Month: January 2019

ഇന്ത്യ ജനാധിപത്യ രാഷ്ട്രമെന്നാണ് ഭരണഘടനയിൽ പറയുന്നതെങ്കിലും എല്ലാവർ ക്കും തുല്യ പദവി, തുല്യ ജോലിയ്ക്ക് തുല്യ വേതനം തുടങ്ങിയവയൊക്കെ ഇപ്പോഴും തുല്യമായല്ല നടക്കുന്നതെന്ന് ഭരണകർത്താക്കൾക്ക് ഉൾപ്പടെ അറിയാവുന്നതാണ്. സ്വാതന്ത്ര്യത്തിന് മുന്നേ നിരോധിച്ച അടിമത്വവും അനുബന്ധ പ്രവർത്തനങ്ങളും ഇപ്പോഴും നടക്കുന്ന ഇന്ത്യയിൽ തുല്യത എന്ന് പറയുന്നത് തന്നെ വലിയ അപരാധമാണ്. തമിഴ്‌നാട്ടിൽ മാത്രം ഏകദേശം 10 ലക്ഷത്തോളം അടിമ തൊഴിലാളികൾ ഉണ്ടെന്നാണ് കണക്കുകൾ സൂചിപ്പിക്കുന്നത്. ഈ 10 ലക്ഷം പേരിൽ ഒരു പച്ചയമ്മാൾ വ്യത്യസ്തയാകുന്നത് എങ്ങനെയാണെന്ന് നോക്കാം. മീ.. ദി ചേഞ്ച് എന്ന പരിപാടിയിലൂടെ ദി ക്വിൻറ് ഓൺലൈൻ മാധ്യമം വഴിയാണ് പച്ചയമ്മാൾ തന്റെ ജീവിത കഥ വെളിപ്പെടുത്തിയിരിക്കുന്നത്. പ്രണയ സാഫല്യത്തിനൊടുവിൽ പതിനാറാം വയസ്സിൽ പച്ചയമ്മാൾ വിവാഹം കഴിച്ചെത്തിയത് അടിമത്വത്തിലേക്കാണെന്ന് ഏതാനും ദിവസങ്ങൾ കൊണ്ട് തന്നെ അവർക്ക് ബോധ്യപ്പെട്ടു....