Month: November 2020

ആരെയാണ് ഭയക്കുന്നത്? നാട്ടിൻ പുറത്ത് കൃഷിചെയ്തു നാടിന്റെ പട്ടിണിമാറ്റുന്ന കർഷകരെയാണെങ്കിൽ ആ ആപ്തവാക്യം തിരുത്തേണ്ടിവരും ജയ് കിസാൻ എന്ന മന്ത്രം. നിങ്ങൾ പട്ടാളക്കാർക്ക് സ്തുതിപാടുമ്പോൾ ഓർക്കേണ്ടത് നിരന്തരമായ സ്വതന്ത്ര ഇന്ത്യയുടെ വയർ നിറയ്ക്കാൻ പട്ടിണികിടക്കുന്ന ഈ പാവപ്പെട്ട മനുഷ്യരെയാണ്. അധികാരമേറ്റപ്പോൾ മുതൽ ജനവിരുദ്ധനടപടികളുമായി മുന്നോട്ടു പോകുന്ന കേന്ദ്ര ഗവണ്മെന്റ് പാസാക്കിയ കാർഷിക പരിഷ്കരണ നിയമങ്ങളിൽ പ്രതിഷേധിച്ച് പതിനായിരക്കണക്കിന് കർഷകർ സംസ്ഥാനങ്ങൾ കടന്നു ദില്ലിയിലേക്ക് നടത്തുന്ന മാർച്ച് മേഖലകളിലുടനീളം അധികാരവർഗ്ഗത്തിന്റെ കഠിനമായ എതിർപ്പുകളെയാണ് നേരിടുന്നത്.കണക്കനുസരിച്ച് 50,000 ത്തിലധികം കർഷകർ ദില്ലി അതിർത്തിയിൽ തന്നെ കാണുമെന്നുള്ള പ്രതീക്ഷ ആസ്ഥാനത്തല്ല. ആയിരക്കണക്കിന് ട്രാക്ടറുകളും ട്രോളികളും പഞ്ചാബിലെ ആഭ്യന്തര പ്രദേശങ്ങളിൽ നിന്നുള്ള കർഷകരെയും സ്ത്രീകളെയും കുട്ടികളെയും കയറ്റിക്ക...