Month: June 2021

പരാതിക്കാരിയോട് വീണ്ടും കയർത്ത് സംസാരിച്ച് വനിതാ കമ്മീഷൻ അധ്യക്ഷ. കഴിഞ്ഞ ദിവസം നടത്തിയ വിവാദ പ്രസ്താവനയെത്തുടർന്ന് വനിത കമ്മീഷൻ അധ്യക്ഷ എം.സി. ജോസഫൈനെതിരെ പ്രതിഷേധം ശക്തമാകുന്നതിനിടെയാണ് അധ്യക്ഷ മറ്റൊരു പരാതിക്കാരിയോട് കയർത്ത് സംസാരിക്കുന്ന ശബ്ദരേഖ കൂടി പുറത്ത് വന്നത്. എത്രയും പെട്ടെന്ന് അധ്യക്ഷ സ്ഥാനത്തു നിന്നും ജോസഫൈനെ പുറത്താക്കണമെന്ന് ശക്തമായ ആവശ്യമുയരുകയാണ് വിവാഹത്തട്ടിപ്പുകാരനായ ഭർത്താവിൽനിന്ന് നീതി വേണമെന്നാവശ്യപ്പെട്ട് വനിത കമ്മീഷൻ അധ്യക്ഷയെ വിളിച്ച കൊല്ലം സ്വദേശിനിയാണ് ശബ്ദരേഖയുമായി രംഗത്ത് വന്നത്. തന്നേയും കുട്ടികളേയും നോക്കാതെ മറ്റൊരു വിവാഹം കഴിച്ച ഭർത്താവിനെതിരേ ആയിരുന്നു യുവതിയുടെ പരാതി. എന്നാൽ സംസാരത്തിനിടെ നിങ്ങളുടെ പുരാണം കേൾക്കാൻ സമയില്ലെന്നും നിങ്ങളെയാണ് അടിക്കേണ്ടതെന്നും ജോസഫൈൻ പറഞ്ഞു. പുനർവിവാഹം കഴിച്ച സ്ത്രീയേയും ഉപേക്ഷിച്ച് ഇയാൾ മുറപ്പെണ്ണിനെ വിവാഹം കഴിച്ചെന...