Saturday, August 8

‘മുസ്‌ലിങ്ങളില്‍ നിന്ന് പച്ചക്കറി വാങ്ങരുത്, ഉമിനീര് തേച്ച് കൊറോണ പകര്‍ത്തുന്നു’; വര്‍ഗീയ പരാമര്‍ശവുമായി ബി.ജെ.പി എം.എല്‍.എ

ഉത്തർപ്രദേശ് എം എൽ എ വിദ്വെഷപരാമര്ശവുമായി രംഗത്തുവന്നത് വിവാദമാകുന്നു. മുസ്‌ലിം കച്ചവടക്കാരില്‍ നിന്ന് ആരും പച്ചക്കറി വാങ്ങരുതെന്ന പരാമർശവുമായാണ് ബി.ജെ.പി എം.എല്‍.എ സുരേഷ് തിവാരി രംഗത്തുവന്നത്. ഉത്തര്‍പ്രദേശിലെ ദിയോറിയ ജില്ലയിലെ ജനങ്ങളോടാണ് ബി.ജെ.പി നേതാവ് ഈ ആഹ്വാനം നടത്തിയിരിക്കുന്നത്.

”എല്ലാവരും ഒരു കാര്യം മനസ്സില്‍ വയ്ക്കുക, ഞാന്‍ എല്ലാവരോടും പരസ്യമായി പറയുന്നു, ഇവിടെയുള്ളർ ആരും മുസ്‌ലിങ്ങളില്‍ നിന്ന് പച്ചക്കറി വാങ്ങരുത്,”

അതേസമയം കഴിഞ്ഞയാഴ്ചയാണ് താന്‍ ഈ പ്രസ്താവന നടത്തിയതെന്നാണ് ഇന്ത്യന്‍ എക്‌സ്പ്രസിനോട് തിവാരി പറഞ്ഞത്.

” ഒരു സമുദായത്തില്‍പ്പെട്ട ആളുകള്‍ കൊറോണ വൈറസ് പടര്‍ത്താന്‍ വേണ്ടി പച്ചക്കറികളില്‍ ഉമിനീര്‍ ഉപയോഗിച്ച് അണുബാധിതമാക്കി വില്‍ക്കുന്നുവെന്ന പരാതികേട്ടു. അതുകൊണ്ട് അവരില്‍ നിന്ന് പച്ചക്കറികള്‍ വാങ്ങരുതെന്ന് ഞാന്‍ അവരെ ഉപദേശിച്ചു. സാഹചര്യം സാധാരണമായശേഷം എന്താണ് വേണ്ടതെന്ന് അവര്‍ക്ക് തീരുമാനിക്കാവുന്നതാണ്” ബി.ജെ.പി എം.എല്‍.എ പറഞ്ഞു.

എന്നാൽ താന്‍ തന്റെ അഭിപ്രായം മാത്രമാണ് പറഞ്ഞതെന്നും അത് പിന്തുടരണമോ എന്ന് തീരുമാനിക്കേണ്ടത് ജനങ്ങളാണെന്നും ജമാഅത്ത് അംഗങ്ങള്‍ രാജ്യത്ത് എന്താണ് ചെയ്തതെന്ന് എല്ലാവര്‍ക്കും കാണാന്‍ കഴിയില്ലേ എന്നും തിവാരി ചോദിച്ചു .

പ്രസ്താവനക്കെതിരെ സംസ്ഥാന ബി ജെ പി നേതൃത്വം രംഗത്തുവന്നു. ഇത്തരം പ്രസ്താവനകള്‍ പാര്‍ട്ടി അംഗീകരിക്കുന്നില്ലെന്ന് സംസ്ഥാന ബി.ജെ.പി വക്താവ് രാകേഷ് ത്രിപാഠി പറഞ്ഞു. പാര്‍ട്ടി ഇക്കാര്യത്തെക്കുറിച്ച് മനസ്സിലാക്കിയതിന് ശേഷം തിവാരി ഇത്തരം പരാമര്‍ശം നടത്താനിടയായ സാഹചര്യത്തെക്കുറിച്ച് അദ്ദേഹത്തോട് ചോദിക്കുമെന്നും വക്താവ് അറിയിച്ചു

Spread the love
Read Also  ഷഹീൻബാഗ് മുതൽ അമീർ മിന്റോവരെ; കൊറോണാനന്തരകാലത്തെ ഇന്ത്യൻ ഫാസിസത്തിന്റെ വായന

Leave a Reply