Saturday, August 8

Prathipaksham Retro

ഭക്തിയുടെ ഘോര ഭാവം ആഘോഷമാക്കിയവർ
Editors Pic, Featured News, Prathipaksham Retro, കാഴ്ചപ്പാട്, പഴയ താളുകൾ, വീക്ഷണം

ഭക്തിയുടെ ഘോര ഭാവം ആഘോഷമാക്കിയവർ

ശൈവ ഭക്തിയുടെ രൗദ്രഭാവമായ അഘോരികളെ തിരിച്ചറിയുക.  സംസ്കൃവൽക്കരണ കാലത്തെ അടിച്ചേൽപ്പിക്കപ്പെട്ട ഭക്തി ഭാവമില്ലാതെ അലയുന്ന മനുഷ്യഗണമെന്ന് അഘോരികളെ വിളിക്കാം.  അഘോരി സന്യാസിമാരെ രതി വൈകൃതങ്ങളുമായും ഭീകരതയുമായും കൂട്ടിവായിക്കാറുണ്ട്. ശവശരീരങ്ങളുമായി ലൈംഗിക ബന്ധങ്ങളിലേർപ്പെടുക മനുഷ്യരെ പച്ചയ്ക്കു തിന്നുക ഇവയെല്ലാം അവർ അനുഷ്ഠിച്ചുവരുന്ന ജീവിതരീതിയുടെ ഭാഗമാണെന്നുള്ള വ്യാഖ്യാനങ്ങൾ നിലനിൽക്കുമ്പോൾ തന്നെ , ഈയിടെ ഇവർ കൂടുതലായി ആക്രമിക്കപ്പെടുന്നത് അവരുടെ നഗ്‌നതയുടെ പേരിലാണ്. ഇതാണോ സംസ്കാരം എന്ന ചോദ്യം പലരും ഉയർത്തുമ്പോൾ നമ്മുടെ ബഹുസ്വരതയിൽ ആധാറും വോട്ടർ ഐഡിയും ഒന്നും ഇല്ലാതെജീവിക്കുന്ന യഥാർത്ഥ അഘോരികൾ ഉണ്ടെന്നത് നമ്മൾ മനസ്സിലാക്കേണ്ടതാണ്. ജീവിതത്തെ ഭക്തിയുടെ പാരമ്യത്തിൽ കെട്ടിയിട്ടുകൊണ്ട് ജീവിക്കുന്ന ഒരു കൂട്ടം മനുഷ്യർ. അഘോരികൾ ജീവിക്കുന്നത് അവരുടെ മാത്രം ജീവിതത്തിലൂടെയാണ് . കുടിച്ചും പുകവലിച്ച...
അല്ല, ഒരു ദിവസം   ശ്രീചിത്തിര തിരുനാളിനുണ്ടായ  വെളിപാടല്ല ക്ഷേത്രപ്രവേശന വിളംബരം ; അജയകുമാർ  എഴുതുന്നു
Featured News, Prathipaksham Retro, പഴയ താളുകൾ, പ്രതിപക്ഷം റിട്രോ, രാഷ്ട്രീയം, വീക്ഷണം

അല്ല, ഒരു ദിവസം  ശ്രീചിത്തിര തിരുനാളിനുണ്ടായ വെളിപാടല്ല ക്ഷേത്രപ്രവേശന വിളംബരം ; അജയകുമാർ എഴുതുന്നു

വൈദേശികാധിപത്യം, പ്രത്യേകിച്ച് നേരിട്ടുള്ള ബ്രിട്ടീഷ് ആധിപത്യത്തിനു കീഴിൽ ജീവിച്ചിരുന്ന ഇന്ത്യൻ ജനതയ്ക്കും, കരാറുകൾക്ക് അടിപ്പെട്ടു വൈദേശികാധിപത്യത്തിന് അടിയറവ് പറഞ്ഞ രാജാക്കന്മാർ ഭരിച്ചിരുന്ന രാജ്യങ്ങളിലും ഉള്ള ജനങ്ങൾക്കും രണ്ടുതരത്തിലുള്ള വ്യക്തി സ്വാതന്ത്ര്യങ്ങളും ജീവിതസാഹചര്യങ്ങളും വിദ്യാഭ്യാസ സൗകര്യങ്ങളും ആണ് ലഭിച്ചിരുന്നത്. ആയതിനാൽ ഒരു ഭാഷ സംസാരിച്ചിരുന്ന ഒരേ മതക്കാർക്കോ ,ജാതി കാർക്കോപോലും വ്യത്യസ്തമായ സാമൂഹിക പരിഗണനയും, സ്വാതന്ത്ര്യവും, വിദ്യാഭ്യാസ സാഹചര്യവുമാണ് അവർക്ക് രണ്ടിടങ്ങളിലും ലഭിച്ചിരുന്നത്. ഈ അസമത്വങ്ങൾ, പങ്കുവയ്ക്കുന്നതിന് , അധികാരികൾ രണ്ടായിരുന്നെങ്കിലും ഭാഷ ഒന്നായിരുന്നതുകൊണ്ട് തടസ്സങ്ങൾ ഉണ്ടായില്ല. ഭൂരിഭാഗം മനുഷ്യരെയും മനുഷ്യരായി അംഗീകരിക്കാൻ തയ്യാറല്ലായിരുന്നു തദ്ദേശീയ ഭരണാധികാരികളെക്കാൾ തികച്ചും ഉദാത്തന്മാരായിരുന്നു വരത്തൻമാർ . വരേണ്യവർഗത്തിന്റെ സുഖ ജീവിതത്തിനായി നൂ...
ഇസ്രായേൽ തടവറയിൽ നിന്നൊഴുകുന്ന അതിജീവനത്തിന്റെ പുരുഷ ബീജങ്ങൾ
Prathipaksham Retro, അന്തര്‍ദേശീയം, രാഷ്ട്രീയം

ഇസ്രായേൽ തടവറയിൽ നിന്നൊഴുകുന്ന അതിജീവനത്തിന്റെ പുരുഷ ബീജങ്ങൾ

ഇസ്രയേലിന്റെ ആദ്യ പ്രധാന മന്ത്രിയായിരുന്ന ഡേവിഡ് ബെൻ ഗുറിയോൺ 1937 സിയോണിസ്റ് അജണ്ട എന്തെന്ന് അസന്നിഗ്ധമായി പ്രഖ്യാപിക്കുകയുണ്ടായി. ഈ അറബികളെ പുറത്താക്കിയിട്ട് നമ്മൾക്ക് നമ്മുടെ ഭൂമി സ്വന്തമാക്കണമെന്നായിരുന്നു അത്. ഗാസയിലും പലസ്തിനിന്റെ പലഭാഗത്തും ഇന്നും യാതൊരു മനുഷ്യത്വ വുമില്ലാതെ ഇസ്രായേൽ ഷെല്ലുകൾ വർഷിക്കുന്നു. ആശുപത്രികൾ ആക്രമിക്കുന്നു. സ്‌കൂളുകളും കുഞ്ഞുങ്ങളുടെ ഷെൽറ്ററുകളും ആക്രമിക്കുന്നു. ഭൂമിയിൽ നിന്നും ഒരു ജനതയെ മൊത്തമില്ലാതാക്കാനുള്ള ദൈവത്തിന്റെ പേരിലുള്ള ശ്രമമെന്നിതിനെ വിളിക്കാം. പാലസ്‌തീൻ പൊരുതുകയാണിപ്പോഴും കലാകാരന്മാരും പൊതുപ്രവർത്തകരും മരിച്ചുവീഴുമ്പോഴും അവർ പോരാട്ടം അവസാനിപ്പിക്കുന്നില്ല. ഒരു പക്ഷെ അതിജീവനത്തിന്റെ പോരാട്ടം ഈ ഭൂമിയിൽ മറ്റൊരിടത്തും ഇത്ര ശക്തമായി നടക്കുന്നുണ്ടെന്ന് തോന്നുന്നില്ല. പക്ഷെ ഇവിടെ കൗതുകകരമായ ഒരു വാർത്ത പങ്കുവയ്ക്കാനാണാഗ്രഹിക്കുന്നത്. അതും അതിജീവനത്...
ഫുട്ബാളും സിനിമയും അഥവാ കളിയും കലയും
Editors Pic, Featured News, Prathipaksham Retro, അന്തര്‍ദേശീയം, കായികം, വാര്‍ത്ത, സിനിമ

ഫുട്ബാളും സിനിമയും അഥവാ കളിയും കലയും

കളിയും കലയും രണ്ട് ലോകങ്ങളിലെ പ്രവര്‍ത്തനമാണ്. കളി കായികബലത്തിന്‍റെ ലോകത്തും കല മാനസികവ്യാപാരത്തിന്‍റെ ലോകത്തുമാണ് വ്യാപരിക്കുന്നത്. ദൃശ്യപരതയുടെ പ്രാധാന്യം മൂലം മറ്റേത് കലാരൂപത്തെക്കാളും കളികളുടെ ആവിഷ്കാരം സിനിമയിലാണ് ശ്രദ്ധ നേടുന്നത്. ലോകം ഫുട്ബാളിന്‍റെ യുദ്ധക്കളത്തില്‍ ജയത്തിനായി പരസ്പരം പോരാടുമ്പോള്‍ ലോകസിനിമയില്‍ ഫുട്ബാള്‍ നേടിയിട്ടുള്ള പ്രധാന ഇടങ്ങളെ അവലോകനം ചെയ്ത് നോക്കാവുന്നതാണ്. ഫുട്ബാള്‍ പ്രധാന പ്രമേയമാകുന്ന സിനിമകള്‍ ലോകത്താകമാനം നിരവധി ഉണ്ടായിട്ടുണ്ടെങ്കിലും, ഫുട്ബോള്‍ സിനിമയുടെ അന്തര്‍ധാരയെ സ്വാധീനിച്ച ചില ചിത്രങ്ങള്‍ പരിശോധിക്കാം. എഡ്വര്‍ഡ് സെഡ്ഗ്വിക്ക് സംവിധാനം ചെയ്ത് 1931ല്‍ പുറത്തിറങ്ങിയ ‘മേക്കര്‍ ഓഫ് മാന്‍’ (മെലോഡ്രാമ), ബ്രിട്ടീഷ് ഫിലിം മേക്കറായ തൊറോള്‍ഡ് ഡിക്കിന്‍സന്‍ സംവിധാനം ചെയ്ത് 1939ല്‍ പുറത്തിറങ്ങിയ ‘ദ ആഴ്സനല്‍ സ്റ്റേഡിയം മിസ്റ്ററി’ (ത്രില്ലര്‍) മുതലായവ പുട്ബ്ള്‍ ...
ഷഡ് പദങ്ങൾ അപ്രത്യക്ഷമാകുന്നത് മനുഷ്യവംശത്തിൻ്റെ അന്ത്യം കുറിക്കും
Featured News, Prathipaksham Retro, അന്തര്‍ദേശീയം, പരിസ്ഥിതി, വാര്‍ത്ത

ഷഡ് പദങ്ങൾ അപ്രത്യക്ഷമാകുന്നത് മനുഷ്യവംശത്തിൻ്റെ അന്ത്യം കുറിക്കും

ഈയിടെ നടന്ന ആഗോള ശാസ്ത്രസമ്മേളത്തിൽ വെളിപ്പെടുത്തിയ വിവരം ഞെട്ടി ക്കുന്നതാണ്‌. ഏതാനും വർഷങ്ങൾ കൂടി കഴിയുമ്പോഴേയ്ക്കും ജൈവവ്യവസ്ഥയുടെ ഭാഗമായി ജീവിക്കുന്ന ഷഡ്പദങ്ങളിൽ ഭൂരിഭാഗവും  പാരിസ്ഥിതകമായി നമ്മുടെ പ്രകൃതിക്ക്  ആഘാതമേൽപ്പിച്ചുകൊണ്ട് ഇവിടെ നിന്നും എന്നെന്നേയ്ക്കുമായി അപ്രത്യക്ഷമാകും.  40 ശതമാനത്തിലധികം പ്രാണികൾക്കാണു വംശനാശം സംഭവിക്കുന്നത്. സസ്തനികൾ, പക്ഷികൾ തുടങ്ങിയ വംശങ്ങളെയപേക്ഷിച്ച് 8 മടങ്ങ് കൂടുതലായാണു ചെറുഷഡ്പദ ങ്ങൾക്കു വംശനാശം വരുന്നത്. മനുഷ്യവംശത്തെക്കാൾ 17 ഇരട്ടി അധികമാണ് ഇപ്പോൾ ഈ ഷഡ്പദങ്ങളുടെ സംഖ്യ. മറ്റു ജന്തുജീവജാലങ്ങളുടെ വംശനാശവുമായി താരതമ്യപ്പെടുത്തിയാൽ ചരിത്രത്തിലാദ്യമായാണ് ആകാരത്തിൽ കുഞ്ഞന്മാരായ ഈ പ്രാണികളുടെ കൂട്ടമായി ഇല്ലാതാകുന്നത്. വലിയ മൃഗങ്ങളുടെ കണക്കെടുക്കുന്നതു പോലെ അത്രയെളുപ്പമല്ല പ്രാണികളുടെ സെൻസസ് രേഖപ്പെടുത്തുന്ന പ്രക്രിയ. ഭൂമി യിൽ എല്ലാ ജീവജാലങ്ങളുടെയും നിലനിൽ...
ഒരു കടൽ പൂർണമായും വറ്റിവരണ്ട ഞെട്ടിക്കുന്ന ചരിത്രം
Featured News, Prathipaksham Retro, അന്തര്‍ദേശീയം, പരിസ്ഥിതി, വാര്‍ത്ത

ഒരു കടൽ പൂർണമായും വറ്റിവരണ്ട ഞെട്ടിക്കുന്ന ചരിത്രം

  കഥയല്ലിത്, ഐതിഹ്യവുമല്ലിത്, കേട്ടാൽ വിശ്വസിക്കാൻ പ്രയാസമാണ്. ഒരു കടൽ വറ്റിവരണ്ടുപോയ കഥയല്ല, ചരിത്രമാണ്‌. ഈ കടൽ പൂർണമായും വറ്റിവരണ്ടുപോയതു ചരിത്രാതീതകാലാത്തൊന്നുമല്ല. ഒരു ദശകം മുമ്പാണു ആ ദുരന്തം സംഭവിച്ചത്.  ഏകദേശം 1,534 കുഞ്ഞുദ്വീപുകളാൽ അലംകൃതമായ ഒരു കടല്‍ ഇല്ലാതാവുക. പകരം അവിടെ ഒരു മരുഭൂമി രൂപംകൊള്ളുക. അത് ഒട്ടകങ്ങളുടെ താവളമായി മാറുക. പരിഷ്കൃതസമൂഹം ഞെട്ടലോടെയാണ്  ആ വാർത്ത കേട്ടത്. ഇപ്പോൾ ഈ വാർത്ത ആദ്യമായി കേൾക്കുന്നവർക്കും ഉള്ളിൽ ഞെട്ടലുണ്ടാകുന്നത് സ്വാഭാവികം. ദശലക്ഷക്കണക്കിന് വര്‍ഷം ആയുസ്സുള്ള ഒരു കടലിന്‍റെ  അന്ത്യം സംഭവിച്ചത് ഏതാനും ദശകങ്ങൾ കൊണ്ടാണ് . അടുത്ത കാലം വരെ, അതായത് ഒരു ദശകം മുമ്പുവരെ മധ്യ ഏഷ്യയിലെ ഒരു തടാകമായിരുന്നു അരാൽ കടൽ. വലുപ്പംകൊണ്ട് ലോകത്തിലെ ഏറ്റവും വലിയ തടാകങ്ങളിൽ നാലാം സ്ഥാനമലങ്കരിച്ച ഈ കൂറ്റൻ തടാകത്തിന്റെ വടക്ക് ഭാഗം കസാഖിസ്ഥാനിലും തെക്ക് ഭാഗം ഉസ്ബെക്കിസ...
അടിമജീവിതത്തിന്റെ ദൈവവിധി എഴുത്തിലൂടെ മറികടന്നവര്‍: ആദ്യകാല ആഫ്രോ അമേരിക്കന്‍ എഴുത്തുകാരിലൂടെ….
Featured News, Prathipaksham Retro, വീക്ഷണം, സാഹിത്യം, സ്ത്രീപക്ഷം

അടിമജീവിതത്തിന്റെ ദൈവവിധി എഴുത്തിലൂടെ മറികടന്നവര്‍: ആദ്യകാല ആഫ്രോ അമേരിക്കന്‍ എഴുത്തുകാരിലൂടെ….

സംശയങ്ങളായിരുന്നു, എല്ലാവര്‍ക്കും. പ്രത്യേകിച്ചും, ആഫ്രിക്കന്‍ വന്‍കരയില്‍നിന്നും വേട്ടയാടി പിടിച്ചുകൊണ്ട് വന്ന ഈ 'വന്യജീവികള്‍ക്ക്' ഭാവനയുടെ സര്‍ഗ്ഗാത്മക സാന്നിധ്യം എങ്ങനെയുണ്ടാകും എന്ന സംശയം. മൃഗതുല്യമായ ജീവിതം നയിക്കാന്‍ വിധിക്കപ്പെട്ട, നരകജീവിതം എന്തെന്നു അനുഭവിച്ചുകൊണ്ടിരിക്കുന്ന ഇവര്‍ക്ക് എന്ത് കവിത? എന്ത് സാഹിത്യം? എന്ത് സംഗീതം?, എന്നെല്ലാമുള്ള സംശയങ്ങള്‍. പതിനാലാം നുറ്റാണ്ടുമുതല്‍ 1591ലെ മൂറിഷ് കടന്നാക്രമണം വരെയുള്ള കാലങ്ങളില്‍ ആഫ്രിക്കയിലെ റ്റിംബാക്തു നഗരത്തില്‍ സ്ഥിതി ചെയ്തിരുന്ന സന്‍കോലര്‍ മദ്രസയുടെ സാന്നിദ്ധ്യം ഒരു സര്‍വകലശാലയുടേതിനു തുല്യമായിരുന്നു. അതുമാത്രം മതിയാകും ആഫ്രിക്കന്‍ ജനതയുടെ സാംസ്‌കാരിക പാരമ്പര്യം രേഖപ്പെടുത്തുവാന്‍. ഫെലിക്‌സ് ഡുബോയ്‌സ് 'ദുരൂഹതയുടെ റ്റിംബാക്തു' (Timbuktu the Mysterious) എന്ന പഠനത്തില്‍ വളരെ വ്യക്തമായ സൂചന ഇതേപ്പറ്റി നല്‍കുന്നുണ്ട്. അഹമ്മദ് ബാബാ എ...
“ഞാന്‍ സ്ത്രീയും പുരുഷനുമാണ്”: ഒരു ബംഗാളി നടനവൈഭവത്തിന്റെ പകര്‍ന്നാട്ടങ്ങള്‍
Editors Pic, Prathipaksham Retro, കല, ദേശീയം, പഴയ താളുകൾ, പ്രതിപക്ഷം റിട്രോ, സ്ത്രീപക്ഷം

“ഞാന്‍ സ്ത്രീയും പുരുഷനുമാണ്”: ഒരു ബംഗാളി നടനവൈഭവത്തിന്റെ പകര്‍ന്നാട്ടങ്ങള്‍

വടക്കന്‍ കൊല്‍ക്കത്തയിലെ ഹാത്തിബഗാന്‍ പുതിയ കാല ബംഗാളില്‍ ഏറ്റവും കൂടുതല്‍ സിനിമാഹാളുകള്ളുള്ള പ്രദേശമാണ്. ഹാത്തിബഗാനില്‍ തന്നെ ആളൊഴിഞ്ഞ ഒരു തെരുവിലായി ആ മനുഷ്യന്‍ ജീവിക്കുന്നു. തകര്‍ന്നുവീണു തുടങ്ങിയ നിറം മങ്ങിയ ഒരു നാലു നില കെട്ടിടത്തില്‍. മിത്തുകളും വിശ്വാസങ്ങളും നിറഞ്ഞ ബംഗാള്‍ ജീവിതത്തിന്റെ ഭാഗമായ ജത്രയില്‍ വേഷം കെട്ടിയാടിയ ചപല്‍ ബാദുരിയെന്ന മനുഷ്യന്‍ അവിടെയാണിപ്പോള്‍ കഴിയുന്നത്. ജത്ര - കലായാത്രയിലെ പ്രധാനവേഷക്കാരനായിരുന്നു ചപല്‍. നമ്മുടെ ഓച്ചിറ വേലുക്കുട്ടി ആശാനെയാണ് ചപല്‍ ബാദുരിയെ കുറിച്ച് പറയുമ്പോള്‍ മലയാളികള്‍ക്ക് ഓര്‍മ്മവരിക. വേലുക്കുട്ടിയാശാനെ പോലെ പെണ്‍വേഷം കെട്ടിയാടലായിരുന്നു ചപലും നടത്തിയത് എന്നതാണ് ആ താരതമ്യത്തിന് കാരണം. രൗദ്രഭാവം നിറയുന്ന ഭദ്രയായി പലതവണ തെരുവുകളില്‍നിന്നും ജനഹൃദയത്തിലേക്ക് യാത്രചെയ്ത മനുഷ്യന്‍ ഇന്ന് കൂട്ടംവിട്ട് സമാധി നോക്കിയിരിക്കുന്ന പക്ഷിയെപ്പോലെ ജീവിക്കുന...
തകരുന്ന ഫെഡറലിസവും നഷ്ടപ്പെടുന്ന രാഷ്ട്രീയ സ്വയംഭരണാധികാരവും: പ്രൊഫസര്‍ കെ കെ ജോര്‍ജ്ജ് സംസാരിക്കുന്നു
Editors Pic, Prathipaksham Retro, കേരളം, ജനപക്ഷം, പഴയ താളുകൾ

തകരുന്ന ഫെഡറലിസവും നഷ്ടപ്പെടുന്ന രാഷ്ട്രീയ സ്വയംഭരണാധികാരവും: പ്രൊഫസര്‍ കെ കെ ജോര്‍ജ്ജ് സംസാരിക്കുന്നു

കേന്ദ്ര-സംസ്ഥാന ബന്ധങ്ങളെ കുറിച്ചും സംസ്ഥാനങ്ങളുടെ സ്വയംനിര്‍ണയാധികാരത്തെ കുറിച്ചും ആഴത്തില്‍ വിശകലനം ചെയ്തിട്ടുള്ള സാമ്പത്തികശാസ്ത്ര ഗവേഷകനാണ് പ്രൊഫസര്‍ കെ കെ ജോര്‍ജ്ജ്. അദ്ദേഹം ഉന്നയിച്ചിട്ടുള്ള ചോദ്യങ്ങളൊക്കെ തന്നെയും അക്കാദമിക് മേഖലയില്‍ വലിയ സംവാദങ്ങള്‍ക്ക് വഴി തുറന്നിട്ടുണ്ട്. ഇന്ത്യന്‍ ഭരണഘടന ഉറപ്പുനല്‍കുന്ന ഫെഡറലിസത്തിന്റെ മൂല്യങ്ങളെ ഉയര്‍ത്തിപ്പിടിക്കുന്നതില്‍ അദ്ദേഹത്തിന്റെ അന്വേഷണങ്ങള്‍ എല്ലായിപ്പോഴും വഴികാട്ടിയായിട്ടുണ്ട്. കേരള മാതൃക (kerala model) എന്ന് കൊട്ടിഘോഷിക്കപ്പെട്ട വികസനപാതയെ യുക്തിപൂര്‍വമായി ചോദ്യം ചെയ്ത ആദ്യ വ്യക്തികൂടിയാണ് കെകെ ജോര്‍ജ്ജ്. ലിമിറ്റ്‌സ് ടു ദ കേരള മോഡല്‍ ഓഫ് ഡെവലപ്‌മെന്റ്: ആന്‍ അനാലിസിസ് ഓഫ് ഫിസ്‌കല്‍ ക്രൈസിസ് ആന്റ് ഇറ്റ്‌സ് ഇംപ്ലിക്കേഷന്‍സ്, ഡോക്ടര്‍ ഐ എസ് ഗുലാത്തിയോടൊപ്പം ചേര്‍ന്ന് എഴുതിയ 'എസ്സേയ്‌സ് ഇന്‍ ഫെഡറല്‍ ഫിനാന്‍ഷ്യല്‍ റിലേഷന്‍സ്' തുടങ്ങിയ പ...