Saturday, August 8

പുറത്ത് കൊറോണയുണ്ട് ഞങ്ങക്ക് രജിത് സേറും

എൻ്റെ പൊന്നുതമ്പുരാനേ ഈ സേർ ഒരു സംഭവമാ.കുഞ്ഞാമ്പുനൊക്കെ ഇനി എന്നാണോ ഈ ഭാഗ്യമൊക്കെ ഉണ്ടാകുന്നത്.
സേർ സേറല്ലേ പറഞ്ഞത് ഈ പെമ്പിള്ളാര് ജീൻസിടരുതെന്നും ഒക്കെ .അന്നുതൊട്ടേ എനിക്ക് സേറിനോട് ഒരു ഭയങ്കര ഇഷ്ടം തോന്നിതാ. പിന്നെ ഇടയ്ക്കിടക്ക് സേറിൻ്റെ വക ഓരോ ഇടപെടിലുണ്ടാകുമ്പോഴും എനിക്കൊക്കെ എന്തോരം കോൾമയിരാന്നറിയാമോ?
അന്നാ വെളഞ്ഞ പെൺപിള്ളാരുടെ കോളജി വച്ച് സാറേ സേറിനെ ചീത്ത വിളിച്ച ആ പെങ്കൊച്ചിനെ അറഞ്ചം പുറഞ്ചം മുള്ളുമുരുക്ക് കൊണ്ട് പൂശാനാ തോന്നിയത്.
എൻ്റെ സാറേ സാറൊക്കെ ഉള്ള തോണ്ടാ എന്നെപ്പോലുള്ളവര് ഇവിടെ ജീവിക്കുന്നത്. സാറിൻ്റെ അപാര അറിവ് ഫയങ്കരം തന്നെ. സാറിനെ തോപ്പിക്കാൻ ഒരു വൈദ്യനും വടക്കാംചേരിക്കും കഴിയത്തില്ല.


ഒരു മുടിഞ്ഞ ചാനലും ഒരു ഷോയും
സേറേ ഇതൊന്നും ഒരു കാര്യമല്ല.
ബിഗ് ബോസൊക്കെ നമുക്കെന്ത്?
കണ്ണിൽ മുളക് പൊടി തേക്കുന്നത് ഇത്ര വലിയ കുറ്റമാണോ? അതും പെങ്കൊച്ചുങ്ങടെ അങ്ങനെ വേണം സേർ … ഈ ചീള കേസൊക്കെ അങ്ങനെ തന്നെ വേണം.

op
നിങ്ങളോർക്കണം എന്നിട്ടും എൻ്റെ സേർ പറഞ്ഞതെന്തുവാന്ന്. സേറിൻ്റെ രണ്ട് കണ്ണും ദാനം ചെയ്യാന്ന് ….ലജ്ജയുണ്ടോ ഏട്ടാ എന്നിട്ടും എൻ്റെ സേറിനെ പുറത്താക്കാൻ.ഏട്ടാ സേർ ബയോളജി അധ്യാപകനാണ് അങ്ങാര് അങ്ങനെ രണ്ട് കണ്ണും കൊടുക്കാന്ന് പറഞ്ഞത് ഈ ജീവിച്ചിരിക്കുമ്പം തന്നാ.അല്ലാതെ ചത്തിട്ട് കണ്ണെടുക്കാനല്ല…. എന്നിട്ടും എൻ്റെ സേറിനെ… ഇതിനൊക്കെ പകരം ചോദിക്കും ഞങ്ങള് ആർമ്മിക്കാർ മരക്കാർ വരട്ടേ….
ഇവിടെ ഇന്ത്യാ മഹാരാജ്യത്തെ മൂന്നാർമ്മി കഴിഞ്ഞാൽ നാലാമതൊന്ന് ഞങ്ങടെ സേറിൻ്റെ ആർമ്മിയാ… അതോർക്കണം സുട്ടിടുമേ…..
സേറിൻ്റെ കണ്ട് പിടിത്തങ്ങടെ ഒരു ലിസ്റ്റ് കുഞ്ഞാമ്പു ഇവിടെ വക്കാം..
.

* സ്ത്രീകളുടെ വസ്ത്രധാരണമാണ് പീഡനത്തിന് കാരണം (ഇതിപ്പം നമ്മുടെ ഗന്ധർവേട്ടനും ഇടയ്ക്കിടയ്ക്ക് ഓർമ്മിപ്പിക്കും)

* ഞാൻ ഉൾപ്പെടുന്ന പുരുഷ വർഗത്തിന് വെറും പത്തുമിനിറ്റ് മതി, സ്പേം പെൺകുട്ടിയുടെ യൂട്രസിലേക്ക് അയക്കാൻ.( ഹ എത്ര സുന്ദരമായ സത്യം)
*

* ആൺകുട്ടികൾ ശ്രമിച്ചാൽ വളരെ വേഗം വളച്ചെടുക്കാവുന്നവരാണ് പെൺകുട്ടികൾ.(സത്യമല്ലേ .. ഞാൻ സോമലതയെ എത്ര പെട്ടെന്നാ വളച്ച് അവളെൻ്റെ തലേലായത് )

* തൊണ്ണൂറു ശതമാനം പെൺകുട്ടികളും രക്ഷിതാക്കളോട് കള്ളം പറഞ്ഞു പ്രേമിച്ചു നടക്കുകയാണ്.( കണ്ണിൽ മുളക് പൊടി നാലു വട്ടം തേക്കണം )

* ആൺകുട്ടികളെപ്പോലെ പെൺകുട്ടികൾ ഓടിച്ചാടി നടന്നാൽ പെൺകുട്ടികളുടെ ഗർഭപാത്രം തിരിഞ്ഞു പോകും.പെൺകുട്ടികൾ ചെറുപ്രായത്തിൽ ടൈറ്റ് ജീൻസ് ധരിച്ചാൽ ഇടുപ്പെല്ല് ചുരുങ്ങും. അതിനകത്തു കുഞ്ഞുങ്ങളെ ഗർഭം ധരിക്കാനുള്ള ഗർഭ പാത്രം ചുരുങ്ങും. നല്ല കുടുംബത്തിലെ പയ്യന്റെ വിത്ത് കിടുകിടിലമായിരിക്കും. ആക്രി പിള്ളേരുടേത് ഇപ്പോഴൊന്നും അങ്ങനെ ആയിരിക്കില്ലെങ്കിലും ശ്രമിച്ചാല്‍ ആവും. നല്ല വിത്ത് അത്തരമൊരു ഗര്‍ഭപാത്രത്തിലെത്തിയാല്‍ കുഞ്ഞ് വളര്‍ന്ന് തുടങ്ങുമ്പോള്‍ അതിന് കൊള്ളാതാവും. പിന്നീട് സിസേറിയന്‍ മാത്രമാകും പോംവഴി.
(കൈയടിക്കടാ മലരുകളെ നിങ്ങടെ സണ്ണിക്കുട്ടിക്ക് പറ്റുമോ ഇങ്ങനൊരു പേപ്പറവതരിപ്പിക്കാൻ)

Read Also  'കോവിഡ് 19' കേരള സമ്പദ് വ്യവസ്ഥയെ പിടിച്ച് കുലുക്കുമ്പോൾ ; സമീർ പാറയ്ക്കൽ എഴുതുന്നു.

* ഓട്ടിസം സെറിബ്രൽ പാൾസി തുടങ്ങിയ അസുഖങ്ങൾ ബാധിച്ച കുട്ടികളുണ്ടാകുന്നത് നിഷേധികളായ അച്ഛനമ്മമാർക്കാണ്

( ഒരു കൊച്ചിനേം കൊണ്ട് വന്ന് ഒരു സ്ത്രീ സേറിനെ ഉപദ്രവിക്കാൻ വന്നായിരുന്നു. അന്ന് നമ്മുടെ ആർമ്മി അത്ര സ്ട്രോങ്ങല്ലാതെ പോയത് ആയമേടെ ഭാഗ്യം)

ലാലേട്ടാ ഈ മഹാനായ ….എൻ്റെ….. എൻ്റെ എന്നെപ്പേലെയുള്ള മനുഷ്യൻ മാരുടെ ഗുരുവിനെയാണ് ഇങ്ങള് പറഞ്ഞ് വിട്ടത് അതും ഒരു ചീള് പെങ്കൊച്ചിൻ്റെ കണ്ണില് മുളക് വാരിതേച്ചത്.. യു റിമംബർ ദാറ്റ് …ഇത് ആർമ്മിയാണ്….. സുട്ടിടും…… കൊന്നിടും പറയുന്നത് രജിത് സേർ പിള്ളാരാണ് ഫുക്രൂ ൻ്റെ അക്കൗണ്ട് പൂട്ടിച്ച പിള്ളേർ
…. ഓ.. എന്താ … എന്താ പുറത്തൊരു ബഹളം
എന്തുവാ കൊറോണയോ .കോവിഡ് എന്തരാ നീ പറയുന്നത്. എനിക്കൊന്നും പുടി കിട്ടുന്നില്ല.

രജിത് സേർ ആ ഡി ജി.പി സേറിനെ പറഞ്ഞ് വിട്ടിട്ട് വന്ന് ഞങ്ങക്ക് അങ്ങയുടെ അപാരമായ അറിവിൻ്റെ അന്തർധാര പകർന്ന് തന്ന് സജ്ജീവമാക്കൂ….. അഥവ ഇനി ആർമ്മി പിരിച്ചുവിട്ടാൽ സേർ ഞങ്ങക്ക് പെൻഷൻ തരണം പെൻഷനില്ലേ ക്വാട്ടാ എങ്കിലും പ്ലീസ്

. 
.

Spread the love

Leave a Reply