Wednesday, January 19

കിടത്തി ചികിത്സിക്കുന്നവരുടെ മരുന്നുകള്‍ക്ക് ഇനിമുതല്‍ ജി.എസ്.ടി. ഈടാക്കില്ല

ആശുപത്രികളില്‍ കിടത്തിച്ചികിത്സയിലുള്ളവരുടെ മരുന്നുകള്‍ക്ക് ഇനിമുതല്‍ ജി.എസ്.ടി. ഈടാക്കില്ല. ജി.എസ്.ടി. സംബന്ധിച്ച തര്‍ക്കങ്ങളില്‍ അന്തിമതീരുമാനമെടുക്കുന്ന അതോറിറ്റി ഫോര്‍ അഡ്വാന്‍സ്ഡ് റൂളിങ്ങിന്റേതാണ് ഉത്തരവ്. മിക്ക മരുന്നുകള്‍ക്കും ജി.എസ്.ടി. ഉണ്ടെങ്കിലും ആതുരചികിത്സയെ ജി.എസ്.ടി.യില്‍നിന്ന് ഒഴിവാക്കിയിട്ടുണ്ട്. രോഗികള്‍ ആശുപത്രിയില്‍ കഴിയുന്നിടത്തോളംകാലം അവര്‍ ഉപയോഗിക്കുന്ന മരുന്നുകള്‍ ആതുരചികിത്സയുടെ ഭാഗമാണ്.

ഇത് കണക്കിലെടുത്താണ് ഇക്കാലയളവില്‍ ഉപയോഗിക്കുന്ന മരുന്നുകളെ ജി.എസ്.ടി.യില്‍നിന്ന് ഒഴിവാക്കിയത്. ആശുപത്രിയില്‍ കഴിയുന്ന സമയത്ത് ഉപയോഗപ്പെടുത്തിയ ചികിത്സാ ഉപകരണങ്ങളെയും ജി.എസ്.ടി.യില്‍നിന്ന് ഒഴിവാക്കും.

എറണാകുളത്തെ സ്വകാര്യ ആശുപത്രിയാണ് കേരള അതോറിറ്റി ഫോര്‍ അഡ്വാന്‍സ്ഡ് റൂളിങ്ങിനെ സമീപിച്ച് ഉത്തരവ് നേടിയത്. ആശുപത്രിയുടെ സ്വന്തം മെഡിക്കല്‍ ഷോപ്പില്‍നിന്ന് ചികിത്സാ കാലയളവില്‍ ഉപയോഗിക്കുന്ന മരുന്നുകള്‍ക്കു മാത്രമാണ് ഇളവ് കിട്ടുക. ഔട്ട് പേഷ്യന്റ് ചികിത്സ തേടുന്നവര്‍ക്ക് ഈ ആനുകൂല്യം കിട്ടില്ല.

Spread the love
Read Also  കേരള കോൺഗ്രസ്സ് (എം) ചെയർമാൻ കെ എം മാണി അന്തരിച്ചു

18 Comments

Leave a Reply