Friday, July 30

തെലങ്കാനയിൽനിന്നും സിനിമകളുടെ ഷൂട്ടിംഗ് കേരളത്തിലേയ്ക്ക് മാറ്റുന്നു

ലോക് ഡൗൺ ഇളവുകൾ നിലവിൽ വന്നതോടെ മോഹന്‍ലാൽ നായകനായ ചിത്രം കേരളത്തിൽ തന്നെ പൃഥ്വിരാജ് സംവിധാനം ചെയ്യുന്ന ബ്രോ ഡാഡി കേരളത്തില്‍ത്തന്നെ ചിത്രീകരിക്കും.

കോവിഡ് മാനദണ്ഡങ്ങൾ പാലിച്ച് ചിത്രീകരണം നിർവ്വഹിക്കുമെന്ന്’  നിര്‍മാതാവ് ആന്റണി പെരുമ്പാവൂര്‍ അറിയിച്ചു. ആഗസ്റ്റ് രണ്ടാം വാരത്തോടെ സിനിമയുടെ ചിത്രീകരണം കേരളത്തിലേക്ക് മാറ്റുമെന്ന് അദ്ദേഹം അറിയിച്ചു.

കേരളത്തിലെ കൊവിഡ് നിയന്ത്രണങ്ങളുടെ പശ്ചാത്തലത്തില്‍ ബ്രോ ഡാഡിയുടെ ചിത്രീകരണം ഹൈദരാബാദിലേക്ക് മാറ്റിയിരുന്നു. സിനിമാ ഷൂട്ടിങിന് കഴിഞ്ഞ ദിവസം അനുമതി നല്‍കിയതിന് പിന്നാലെയാണ് കേരളത്തില്‍ ചിത്രീകരിക്കുമെന്ന് അറിയിച്ചിരിക്കുന്നത്.

ജീത്തു ജോസഫ് ചിത്രം ട്വവല്‍ത് മാന്റെ ഷൂട്ടിങ് ആഗസ്റ്റ് അഞ്ചാം തിയതിയോടെ കേരളത്തില്‍ തുടങ്ങുമെന്നും അറിയിച്ചിട്ടുണ്ട്. നിയന്ത്രണങ്ങള്‍ക്ക് വിധേയമായി സിനിമാ ചിത്രീകരണത്തിന് അനുമതി നല്‍കുമെന്ന് മുഖ്യമന്ത്രി പിണറായി വിജയന്‍ കഴിഞ്ഞ ദിവസം അറിയിച്ചിരുന്നു.

നേരത്തെ തന്നെ സീരിയലുകള്‍ക്ക് അനുവാദം കൊടുത്തിട്ടും മലയാളസിനിമകള്‍ക്ക് മാത്രം ചിത്രീകരണത്തിന് അനുമതി നിഷേധിക്കുന്നതിനെ ഫെഫ്ക വിമർശിച്ചിരുന്നു.

ഈ ചിത്രം ഉള്‍പ്പെടെ 7 പുതിയ ചിത്രങ്ങളുടെ ഷൂട്ടിങ് സംസ്ഥാനത്തിന് പുറത്തേക്ക് പോയതായി ചൂണ്ടിക്കാട്ടി
ഫെഫ്ക ജനറല്‍ സെക്രട്ടറി ബി. ഉണ്ണിക്കൃഷ്ണന്‍ കഴിഞ്ഞദിവസം മുഖ്യമന്ത്രിക്ക് പരാതി നല്‍കിയിരുന്നു. ഇതിനുപിന്നാലെയാണ് സര്‍ക്കാര്‍ ഇളവുുകൾ അനുവദിച്ചത്.

Spread the love
Read Also  കുഞ്ഞാലിമരക്കാർ ; തിരക്കഥ പ്രിയദർശനു നൽകിയിട്ടില്ലെന്നും കഥ വിശദമായി പറഞ്ഞുവെന്നും ടി പി രാജീവൻ