Friday, May 27

ദുർചിന്ത നിമിത്തമുണ്ടായ ദുർവിധിയാണ്​ നോട്ട്​ നിരോധനമെന്ന് മൻമോഹൻ സിംഗ്

നോട്ട് നിരോധനത്തിന്റെ രണ്ടാം വർഷത്തിൽ വിമർശനവുമായി മുൻ പ്രധാനമന്ത്രിയും ധനകാര്യവിദഗ്ധനുമായ മൻമോഹൻസിംഗ് രംഗത്തെത്തി. നോട്ട്​ നിരോധനം മൂലം സമ്പദ്​വ്യവസ്ഥയിലെ ആഴത്തിലുള്ള മുറിവുകൾ കൂടുതൽ വ്യക്​തമായെന്നും കാലം എല്ലാ മുറിവുകളെയും മായ്​ക്കുകയാണ്​ ചെയ്യുക എന്നാൽ ഇവിടെ നേരെ തിരിച്ചാണെന്നും അദ്ദേഹം അഭിപ്രായപ്പെട്ടു. വയസ്​, ലിംഗം, മതം, തൊഴിൽ, വർഗം തുടങ്ങിയ ഒരു വ്യത്യാസവുമില്ലാതെ എല്ലാ വിഭാഗം ജനങ്ങളെയും നോട്ട്​ നിരോധനം ബാധിച്ചുവെന്നും മൻമോഹൻ വ്യക്​തമാക്കി.

ദുർചിന്ത നിമിത്തമുണ്ടായ ദുർവിധിയാണ്​ നോട്ട്​ നിരോധനമെന്നും അത്​ ഇന്ത്യൻ സമ്പദ്​വ്യവസ്ഥയെ തകർത്തുവെന്നും അദ്ദേഹം അഭിപ്രായപ്പെട്ടു.
ജി.ഡി.പിയിലുണ്ടായ തകർച്ചക്ക്​ പുറമേ നോട്ട്​ നിരോധനത്തിന്​ ശേഷം ചെറുകിട വ്യവസായങ്ങളും പ്രതിസന്ധി നേരിടുകയാണന്നും ഇനിയും നോട്ട്​ നിരോധനം ഏൽപ്പിച്ച ആഘാതത്തിൽ നിന്ന്​ സമ്പദ്​വ്യവസ്ഥ മുക്​തമായിട്ടില്ലന്നും രാജ്യത്തെ തൊഴിലുകളിൽ ഇത്​ വൻ കുറവ്​ സൃഷ്​ടിച്ചുവെന്നും സാമ്പത്തിക സാഹസങ്ങൾ സമ്പദ്​വ്യവസ്ഥയെ ദീർഘകാലത്തേക്ക്​ പിന്നോട്ടടിപ്പിക്കുമെന്നും അദ്ദേഹം അഭിപ്രായപ്പെട്ടു.

Spread the love
Read Also  പൊതുമേഖല ബാങ്കുകളുടെ നഷ്ടം: തകരുന്ന സമ്പദ്ഘടനയുടെ ചിത്രം

Leave a Reply