ആണുങ്ങൾ                                                                                                               

മായാ അന്ജലോ                                                                                                   

 വിവർത്തനം വി കെ അജിത് കുമാർ                                                                                               

ഞാൻ കുഞ്ഞായിരിക്കുമ്പോഴേ തിരശീലയ്ക്കു                                                         
പിന്നിൽ നിന്നും തെരുവിലൂടെ                                                                               
മുകളിലേക്കും താഴേക്കും നടക്കുന്ന                                                                 
ആണുങ്ങളെ നോക്കാറുണ്ടായിരുന്നു                                                                   
കുടിയന്മാർ, കിഴവന്മാർ,                                                                                 
യുവാക്കൾ, നല്ല മീശയുളവർ                                                                       
പലരെയും കാണും                                                                                                     
ഈ ആണുങ്ങൾ                                                                                                 
എപ്പോഴും എവിടേക്കെങ്കിലും   
പോയ്കൊണ്ടിരിക്കും.                                             
അവർക്കറിയാം ഞാനവിടെയുണ്ടെന്ന്                                               
പതിനഞ്ചുവയസുകാരി                                                                                   
അവർക്കായി വിശക്കുന്നവൾ.                                                                                   
എന്റെ ജാലകത്തിനു താഴെയായി അവർ നിന്നിരിക്കാം                                             
അവരുടെ തോളുകൾ ചെറുപ്പക്കാരികളുടെ                                                           
മാറിടം പോലെ ഉയർന്നു നിൽക്കുന്നു                                                                 
ജാക്കറ്റിന്റെ വാലറ്റം                                                                                 
അവർക്കുപിന്നിൽ ഞാന്നു കിടക്കുന്നു.                                                                       
ഒരു ദിവസം നിന്നെ അവർ കൈത്തടം                                                                     
കൊണ്ട് മൃദുവായി വാരിയടുപ്പിക്കും                                                             
നീയായിരിക്കും ഈ ലോകത്തിലെ                                                                               
അവസാനത്തെ ആരും ഉപയോഗിക്കാത്ത മുട്ട.                                               
പിന്നീടവർ അല്പം കൂടി മുറുക്കി പിടിക്കും                                                             
ആദ്യത്തെ ആലിംഗനം വളരെ മൃദുവായിരിക്കും.                                                       
വളരെ വേഗത്തിലുമായിരിക്കും.                                                                               
നിന്റെ എതിർപ്പുകളെ അത് ശരിക്കും ഇല്ലാതാക്കും.                                             
മുറിവുകളുടെ തുടക്കം                                                                                             
ഭയത്തിൽ നിറയുന്ന ഒരു ചിരിയായി അത് മാറും.                                                     
ശ്വാസം ഇല്ലാതാകുമ്പോൾ                                                                                           
നിന്റെ മനസു ഭയത്താൽ ചെറുതായി മന്ത്രിക്കും                                                           
ഒരു തീപ്പെട്ടികൊള്ളിയുടെ തലപോലെ വിറയാർന്നിരിക്കും.                                         
അതാണ് നിന്റെ സ്രവം.                                                                                             
അത് അവരുടെ കാലുകളിലേക്കു ഒഴുകും.                                                                 
അവരുടെ പാദുകങ്ങളെ നനയ്ക്കും                                                                             
ഭൂമി വീണ്ടും ഉയിർത്തെഴുനേൽക്കുമ്പോൾ                                                       
നാവിലേക്ക് രുചികൾ തിരിച്ചെത്തുമ്പോൾ                                                               
നിന്റെ ശരീരം തളർന്നു വീഴും എന്നേക്കുമായി                                                       
പിന്നീടൊരു താക്കോലും അവശേഷിക്കില്ല                                                           
ജാലകങ്ങൾ മുഴുവൻ തുറക്കുമ്പോൾ                                                                       
അതിനു പിന്നിൽ…നിന്റെ മനസ് .                                                                         
വിരികൾക്കു പിന്നിൽ ആണുങ്ങൾ നടക്കുന്നു                                                     
എന്തൊക്കെയോ അറിയുന്നു എവിടെക്കോ പോകുന്നു                                                 
എന്നാൽ ഈ സമയം ഞാൻ വെറുതെ നോക്കി നിൽക്കുകയാണ്

Read Also  ഹുംബർടോ അക്കാബലിന്റെ കവിതകൾ

അമേരിക്കൻ കവയിത്രിയും മനുഷ്യാവകാശ പ്രവർത്തകയുമായിരുന്നു. “ഐ നോ വൈ ദ കേജ്ഡ് ബേഡ് സിങ്സ്” , ആത്മകഥ  വിവിധ ഭാഷകളിലേക്ക് മൊഴിമാറ്റം ചെയ്യപ്പെട്ടിട്ടുണ്ട്. ബാല്യകാലം മുതൽ  നേരിട്ട പീഡനം, തന്റെ ജീവിതമാണ് മായ ഏഴ് വോള്യത്തിലായി എഴുതിയത്. എട്ടാമത്തെ വയസ്സിൽ അമ്മയുടെ ആൺസുഹൃത്തിനാൽ ബലാത്സംഗം ചെയ്യപ്പെട്ട മായ ഇക്കാര്യം കുടുംബത്തെ അറിയിച്ചു. ഇതേതുടർന്ന് പ്രതി കൊല്ലപ്പെട്ടു.ഗായികയും നർത്തകിയും കോക്ടെയിൽ പരിചാരികയും ലൈംഗിക തൊഴിലാളിയും അഭിനേത്രിയുമായശേഷമാണ് മായ ആഞ്ചലോ തന്റെ സാഹിത്യജീവിതം തുടങ്ങിയത്. ചെറുപ്പത്തിൽ കറുത്തവർഗക്കാരിയെന്ന നിലയിൽ നേരിട്ട അവമതിയും ലൈംഗിക പീഡനവും തുറന്നുപറഞ്ഞ ഏഞ്ചലോയുടെ രചനകൾ വർണ-ലിംഗ വെറിക്കെതിരെയുള്ള പോരാട്ടങ്ങൾക്ക് ഊർജ്ജം പകർന്നു.

പ്രതിപക്ഷം ഫേസ്‌ബുക്ക് പേജ്

പ്രതിപക്ഷം വാട്ട്സാപ്പിൽ

LEAVE A REPLY

Please enter your comment!
Please enter your name here