Friday, May 27

മനുഷ്യര്‍ക്കെന്ത് വില? ഈ അരുമകളോട് തുലനം ചെയ്യുമ്പോള്‍

മനുഷ്യരെല്ലാം അവരുടെ അരുമകളായ വളര്‍ത്തുജീവികളെ സ്നേഹിക്കുന്നവരാണ്. എന്നാല്‍ ചിലരാകട്ടെ സ്നേഹത്തോടൊപ്പം അരുമകള്‍ക്ക് ഏറെ വില മതിക്കുന്നവരുമാണ്. ഇന്‍ഷുറന്‍സ് സ്ഥാപനമായ കമ്പയര്‍ ദ മാര്‍ക്കറ്റ് പുറപ്പെടുവിച്ച അരുമകളുടെ വില കേട്ട് ഞെട്ടണ്ട. അത് അവരുടെ യജമാന്മാര്‍ കല്പിച്ചു നല്കിയതാണ്. പട്ടികള്‍, പൂച്ചകള്‍ എന്നിവയ്ക്കൊപ്പം കോഴിയുടെ വില കൂടി അറിയുക.

ദശലക്ഷങ്ങള്‍ വില മതിക്കുന്നവയുടെ ഒരു ലിസ്റ്റ് വായിക്കാം.

  1. ഗിഗൂ

കോഴി, വില 15 ദശലക്ഷം ഡോളര്‍

ഗിഗൂ എന്ന കോഴി ബ്രിട്ടനിലെ ബഹുകോടിപതിയായ പ്രസാധകന്‍ മില്‍സ് ബ്ലാക്വെലിന്‍റേതാണ്. തന്‍റെ വില്‍പത്രത്തില്‍ 15 ദശലക്ഷം ഡോളറാണ് അദ്ദേഹം അതിന് മതിപ്പ് തുക വച്ചിരിക്കുന്നത്.

  1. സാഡി, സണ്ണി, ലാറന്‍, ലൈല, ലൂക്ക്

എല്ലാവരും പട്ടികള്‍. വില 30 ദശലക്ഷം ഡോളര്‍ വീതം

പട്ടികളെന്ന് നിസ്സാരരായി തള്ളരുത്. ഒരോന്നിന്‍റെയും മതിപ്പ് തുക 30 ദശലക്ഷം ഡോളര്‍ വീതമാണ്. ഒപ്രാ വിന്‍ഫ്രേസിന്‍റെ ഈ അരുമകളെല്ലാം പ്രൗഢിയുള്ളവരാണ്. വില്‍പത്രത്തില്‍ ഇവര്‍ക്കെല്ലാം 30 ദശലക്ഷം ഡോളര്‍ വീതമാണ് കണക്കാക്കിയിട്ടുള്ളത്.

  1. ഒളിവിയ ബെന്‍സണ്‍

പൂച്ച, മതിപ്പ് വില 97 ദശലക്ഷം ഡോളര്‍

ടെയ്ലര്‍ സ്വിഫ്റ്റിന്‍റെ ഈ പൂച്ച നിരവധി പരസ്യചിത്രങ്ങളില്‍ പ്രത്യക്ഷപ്പെട്ടിട്ടുള്ളതാണ്. ഡിയറ്റ് കോക്ക്, കെഡ്സ് ഷൂസ് എന്നിവയുടെ പരസ്യത്തിലെ താരമാണ് ഈ പൂച്ച

  1. ഗ്രംപി പൂച്ച

മതിപ്പ് വില 99.5 ദശലക്ഷം ഡോളര്‍.

നമ്മുടെ കാലത്തെ ഒരു വലിയ വിഗ്രഹമാണ് ഈ പൂച്ച. ടര്‍ഡാര്‍ സോസ് എന്നാണ് യഥാര്‍ത്ഥ പേര്. എല്ലായ്പോഴും കോപസ്വഭാവം കാണിക്കുന്നതിനാലാണ് ഗ്രംപി പൂച്ച എന്ന് വിളിക്കുന്നത്. ഈ സ്വഭാവചേഷ്ട ഇന്‍റര്‍നെറ്റിലൂടെ ഏറെ പ്രചാരം നേടിയിരുന്നു.

  1. ഗുന്തര്‍ നാലാമന്‍

പട്ടി, മതിപ്പ് വില 375 ദശലക്ഷം ഡോളര്‍

ലോകത്തെ അരുമമൃഗങ്ങളില്‍ ഏറ്റവും സമ്പന്നനാണിവന്‍. ജര്‍മ്മന്‍ ഷെപ്പേര്‍ഡ് ഇനത്തില്‍ പെട്ട ഇതിന് പിതാവായ ഗുന്തര്‍ മൂ്നനാമന്‍റെ അവകാശങ്ങള്‍ ലഭിച്ചിട്ടുണ്ട്. കര്‍ലോട്ട ലെയ്ബെന്‍സ്റ്റീന്‍ എന്ന ജര്‍മ്മന്‍കാരന്‍റേതാണ് ലോകത്തെ ഏറ്റവും വിലപിടിപ്പുള്ള ഈ അരുമനായ.

വാര്‍ത്ത വായിച്ചു കഴിയുമ്പോള്‍ ഈ ഗുന്തര്‍ നാലാമന്‍റെ ദാസ്യപ്പണിക്കുള്ള മതിപ്പ് വില പോലും നമുക്കില്ലെന്ന് തോന്നിയാല്‍ അതിശയപ്പെടേണ്ടതില്ല.

 

Spread the love
Read Also  നാനൂറ് വര്‍ഷം മുമ്പ് മുങ്ങിയ കപ്പലിന്‍റെ അവശിഷ്ടങ്ങള്‍ പോര്‍ച്ചുഗീസ് തീരത്ത് കണ്ടെത്തി

Leave a Reply