Tuesday, July 14

പ്രതിപക്ഷനേതാവ് പച്ചനുണപറയുന്നുവെന്ന് മന്ത്രി കെ ടി ജലീൽ

മാർക്ക് ദാനവിവാദത്തിൽ പ്രതിപക്ഷനേതാവിൻ്റെ ആരോപണത്തിനെതിരെ മന്ത്രി കെ ടി ജലീൽ. എം.ജി സർവകലാശാല അദാലത്തുമായി ബന്ധപ്പെട്ട്​ പ്രതിപക്ഷ നേതാവി​​ൻ്റെ ആരോപണങ്ങളെല്ലാം തന്നെ പച്ചനുണയാണെന്ന്​ മന്ത്രി കെ.ടി ജലീൽ പറഞ്ഞു. സാധാരണയായി എല്ലാ തവണയും നൽകുന്ന മോഡറേഷനെ മാർക്ക് ​ദാനമാണെന്നാണ്​​ പ്രതിപക്ഷം നേതാവ്​ വിളിക്കുന്നത്​. മോഡറേഷൻ ഇന്നോ ഇന്നലയോ തുടങ്ങിയതല്ല. മോഡറേഷൻ നിർത്തണമെന്ന്​ പ്രതിപക്ഷനേതാവിന്​ അഭിപ്രായമുണ്ടോയെന്നും അദ്ദേഹം ചോദിച്ചു.

സർവ്വകലാശാല നടത്തിയ അദാലത്തിൻ്റെ ഉദ്​ഘാടന സമ്മേളനത്തിൽ മാത്രമാണ്​ ത​​​ൻ്റെ പി.എ പ​ങ്കെടുത്തത്​. അല്ലാതെ മാർക്ക് ദാനച്ചടങ്ങിലല്ല. ഈ ദൃശ്യങ്ങൾ ആ സമയത്തു തന്നെ എം.ജി യൂനിവേഴ്​സിറ്റി ഫേസ്​ബുക്ക്​ പേജിലുടെ സംപ്രേക്ഷണം ചെയ്​തതാണെന്നും ജലീൽ പറഞ്ഞു. അദാലത്തിൽ അല്ല സിൻഡിക്കേറ്റിലാണ്​ മോഡറേഷൻ സംബന്ധിച്ച്​ തീരുമാനമെടുത്തത്​.

യു.ഡി.എഫ്​ ഭരണകാലത്ത്  2012ൽ  ​ബി.ടെക്​ വിദ്യാർഥികൾക്ക് 20 മാർക്ക്​​ മോഡറേഷൻ നൽകിയിരുന്നു. ഇതേ രീതിയിൽ മോഡറേഷൻ നൽകിയ സംഭവമാണു​ എം.ജി യൂനിവേഴ്​സിറ്റിയിലും ഉണ്ടായത്​. മോഡറേഷ​​​ൻ്റെ ഗുണം ഒരു വിദ്യാർഥിക്കല്ല 150ഓളം വിദ്യാർഥികൾക്ക്​ ലഭിച്ചിട്ടുണ്ടെന്നും മ​ന്ത്രി പറഞ്ഞു.

മാർക്ക്​ ദാനം അന്വേഷിക്കുകയാണെങ്കിൽ 2017ലെ യു.പി.എസ്​.സിയുടെ സിവിൽ സർവീസ്​ പരീക്ഷയിൽ ഒന്നാം റാങ്ക്​ കിട്ടിയ ഉദ്യോഗാർഥി​യേക്കാൾ അഭിമുഖത്തിൽ കേരളത്തിൽ നിന്നുള്ള രാഷ്​ട്രീയ നേതാവി​​​ൻ്റെ മകന്​ 30 മാർക്ക്​ അധികം ലഭിച്ചതും പരിശോധിക്കണമെന്ന്​ കെ.ടി ജലീൽ ആവശ്യപ്പെട്ടു. രമേശ് ചെന്നിത്തലയുടെ മകൻ്റെ മാർക്കിൻ്റെ കാര്യം ഓർമ്മിപ്പിച്ചുകൊണ്ടാണു പരോക്ഷമായി മന്ത്രി ഇത് പറഞ്ഞത്

പ്രതിപക്ഷം ഫേസ്‌ബുക്ക് പേജ്

പ്രതിപക്ഷം വാട്ട്സാപ്പിൽ

Spread the love
Read Also  രാഷ്ട്രീയം കളിക്കാനുള്ള വേദിയല്ല കോടതിയെന്നു പി കെ ഫിറോസിനോട് ഹൈക്കോടതി

Leave a Reply