Wednesday, April 21

പാനൂർ കൊലയെ ന്യായീകരിച്ച് മകൻ ; യോജിപ്പില്ലെന്ന് പി ജയരാജൻ

പാനൂർ പുല്ലൂക്കരയിൽ മുസ്‌ലിം ലീഗ് പ്രവര്‍ത്തകന്‍ മൻസൂർ കൊല്ലപ്പെട്ട സംഭവത്തിൽ കൊലപാതകത്തെ ന്യായീകരിക്കും വിധം  സി.പി.ഐ.എം നേതാവ് പി. ജയരാജൻ്റെ മകന്‍ ജയിന്‍ രാജൻ്റെ ഫേസ്ബുക്ക് പോസ്റ്റ്.

‘ഇരന്ന് വാങ്ങുന്നത് ശീലമായി പോയി’ എന്നായിരുന്നു  ജയിന്‍ രാജ് ഫേസ്ബുക്കില്‍ പോസ്റ്റ് ചെയ്തത്. ഈ പോസ്റ്റിനെതിരെ വ്യാപക പ്രതിഷേധമുയർന്നിരുന്നു. ഇതേത്തുടർന്നാണ് പി ജയരാജൻ പ്രതികരണവുമായി രംഗത്തുവന്നത്.

മകന്‍ ഏത് സാഹചര്യത്തിലാണ് അത്തരമൊരു പോസ്റ്റ് ഇട്ടതെന്ന് അറിയില്ലെന്ന് ജയരാജൻ പറഞ്ഞു. പാനൂര്‍ സംഘര്‍ഷവുമായി ബന്ധപ്പെട്ടുകൊണ്ടാണെങ്കില്‍ അത്തരം ഒരു അഭിപ്രായ പ്രകടനത്തോട് യോജിക്കുന്നില്ല എന്നാണ് ജയരാജന്‍ പ്രതികരിച്ചത്. ഫേസ്ബുക്കിലൂടെയായിരുന്നു പ്രതികരണം

ദൗര്‍ഭാഗ്യകരമായ മരണം നടന്ന പ്രദേശത്ത് സമാധാനമുണ്ടാക്കാനുള്ള യജ്ഞത്തിലാണ് പാര്‍ട്ടി അനുഭാവികള്‍ ഏര്‍പ്പെടേണ്ടതെന്നും ജയരാജന്‍ പറഞ്ഞു.

ഇത് പാനൂരിലെ കൊലപാതകത്തെ ബന്ധപ്പെടുത്തിയുള്ള സ്റ്റാറ്റസ് ആണ് എന്ന തരത്തില്‍ മാധ്യമങ്ങളില്‍ വാര്‍ത്തകള്‍ വന്നിരുന്നു. ഇതിന് പിന്നാലെയാണ് വിശദീകരണവുമായി പി ജയരാജന്‍ രംഗത്തെത്തിയത്.

Spread the love
Read Also  'ലീഗുകാർ ഈ ദിനം ഓർത്തുവെയ്ക്കും' മൻസൂർ കൊല്ലപ്പെടുന്നതിനുമുമ്പ് പ്രതിയുടെ വാട്സ് ആപ്പ് സ്റ്റാറ്റസ്