Wednesday, August 5

വിമർശനാത്മക ചിന്തയിലേക്കാണ് ഞങ്ങൾ വിദ്യാഭ്യാസത്തെ മാറ്റുന്നത് പ്രധാനമന്ത്രി

കേന്ദ്ര സർക്കാർ പ്രഖ്യാപിച്ച പുതിയ വിദ്യാഭ്യാസ നയം ‘തൊഴിലന്വേഷകർക്ക്’ പകരം ‘തൊഴിൽ സ്രഷ്ടാക്കളെ’ സൃഷ്ടിക്കുന്നതിനാണ് ളൗന്നൽ നൽകുന്നതെന്നും രാജ്യത്തെ വിദ്യാഭ്യാസത്തിന്റെ ഉദ്ദേശ്യവും ഉള്ളടക്കവും മാറ്റുവാനുള്ള ശ്രമങ്ങൾ നടക്കുന്നുണ്ടെന്നും പ്രധാനമന്ത്രി നരേന്ദ്ര മോദി അറിയിക്കുന്നു.

സ്മാർട്ട് ഇന്ത്യ ഹാക്കത്തോണിന്റെ സമാപനത്തെ അഭിസംബോധന ചെയ്തുകൊണ്ട് സംസാരിക്കുകയായിരുന്നു അദ്ദേഹം. ഈ ആഴ്ച ആദ്യം പ്രഖ്യാപിച്ച പുതിയ വിദ്യാഭ്യാസ നയം -2020, ഇൻ്റർ ഡിസിപ്ലിനറി രീതിയിൽ പോകുന്ന പുതിയ പാഠ്യ പദ്ധതി വിദ്യാർത്ഥിയെ പഠിക്കാൻ ആഗ്രഹിക്കുന്ന കാര്യങ്ങളിൽ ശ്രദ്ധ കേന്ദ്രീകരിക്കുന്നുണ്ടോ എന്ന് ഉറപ്പാക്കുമെന്നും അദ്ദേഹം പറയുന്നു.

“ഇന്ത്യയുടെ ദേശീയ വിദ്യാഭ്യാസ നയം, സ്കൂളിനപ്പുറം നിലനിൽക്കാത്ത സ്കൂൾ ബാഗുകളുടെ ഭാരത്തിൽ നിന്ന്, ജീവിതഗന്ധിയായ ‘ പഠനത്തിന്റെ നിലയിലേക്കും , മന:പാഠത്തിൽ നിന്ന് വിമർശനാത്മക ചിന്തയിലേക്കുമാണ് ഞങ്ങൾ മാറുന്നതെന്ന് പ്രധാനമന്ത്രി വിശദമാക്കി.
വിദ്യാഭ്യാസ നയത്തിൽ വരുത്തിയ മാറ്റങ്ങൾ കാരണം ഇന്ത്യയുടെ ഭാഷകൾ കൂടുതൽ പുരോഗമിക്കുകയും വികസിക്കുകയും ചെയ്യുമെന്നും ഇത് ഇന്ത്യയുടെ അറിവിൻ്റെ മേഖല വർദ്ധിപ്പിക്കുമെന്നും അതിലൂടെ ഐക്യം വർദ്ധിപ്പിക്കുകയും ചെയ്യുമെന്നും മോദി പ്രതീക്ഷ പങ്കുവച്ചു.

Spread the love
Read Also  ശശി തരൂരിന്റെ പുസ്തകം, ദി ഹിന്ദു വേ പുറത്തിറങ്ങുന്നു