Friday, May 27

പി. എസ്. ശ്രീധരൻ പിള്ളയ്‌ക്കെതിരെ ജാമ്യമില്ലാ വകുപ്പുകൾ പ്രകാരം കേസെടുത്തു

ബിജെപി സംസ്ഥാന അധ്യക്ഷൻ പി. എസ്. ശ്രീധരൻ പിള്ളയ്‌ക്കെതിരെ ജാമ്യമില്ലാ വകുപ്പുകൾ പ്രകാരം കേസെടുത്തു. മാധ്യമ പ്രവർത്തകൻ ഷൈബിൻ നൻമണ്ട നൽകിയ പരാതിയുടെ അടിസ്ഥാനത്തിൽ കോഴിക്കോട്​ ​കസബ പൊലീസാണ്​ കേസെടുത്തിരിക്കുന്നത്​. യുവമോർച്ച യോഗത്തിലെ വിവാദ പ്രസംഗത്തിന്റെ അടിസ്ഥാനത്തിലാണ് ഇപ്പോൾ കേസ് രജിസ്റ്റർ ചെയ്തിരിക്കുന്നത്.

കലാപത്തിന്​ ആഹ്വാനം നൽകി, തന്ത്രിയുമായി ചേർന്ന്​ ഗൂഢാലോചന നടത്തി, സുപ്രീംകോടതി വിധിക്കെതിരെ സംസാരിച്ചു എന്നീ കുറ്റങ്ങൾ ചുമത്തിയാണ്​ ശ്രീധരൻ പിള്ളക്കെതിരെ കേസെടുത്തിരിക്കുന്നത്​. കോഴിക്കോട്​ നടന്ന യുവമോർച്ച യോഗത്തിൽ ത​ന്നോട്​ ഉപദേശം ചോദിച്ചാണ്​ യുവതി പ്രവേശനമുണ്ടായാൽ ശബരിമല നടയടച്ചിടുമെന്ന്​ തന്ത്രി പറ​ഞ്ഞതെന്നായിരുന്നു ശ്രീധരൻപിള്ളയുടെ പ്രസ്​താവന.

ശബരിമലയിലെ യുവതി പ്രവേശനവുമായി ബന്ധപ്പെട്ട വിധി ബി.ജെ.പിയ്ക്ക് കിട്ടിയ അവസരമാണെന്നും നിലവിൽ ബി.ജെ.പിയുടെ അജണ്ടയനുസരിച്ചാണ്​ ശബരിമലയിൽ കാര്യങ്ങൾ മുന്നോട്ട്​ പോകുന്നതെന്നും ശ്രീധരൻ പിള്ള പറഞ്ഞിരുന്നു.

Spread the love
Read Also  പിണറായി വിജയന്റെ വാക്കും പഴയ ചാക്കും

Leave a Reply