Monday, May 17

പ്രിയങ്ക ഗാന്ധി അറസ്റ്റിൽ

ഒരു മാസത്തോളമായി തുടരുന്ന കർഷക സമരത്തിന് പിന്തുണ പ്രഖ്യാപിച്ച് രാഹുൽ ഗാന്ധിയുടെ നേതൃത്വത്തിൽ കോൺഗ്രസ് എം.പിമാർ രാഷ്ട്രപതി ഭവനിലേക്ക് നടത്തിയ മാർച്ച് പോലീസ് തടഞ്ഞു. മാർച്ചിൽ പങ്കെടുത്ത പ്രിയങ്ക വദ്ര ഗാന്ധിയെ പോലീസ് അറസ്റ്റ് ചെയ്തു. ഡൽഹി പോലീസിന്റേതാണ് നടപടി.

മാർച്ചിന് നേതൃത്വം നൽകിയ പ്രിയങ്ക ഉൾപ്പടെയുളള നേതാക്കളെ പോലീസ് അറസ്റ്റ് ചെയ്ത് നീക്കാൻ ആരംഭിച്ചതോടെ മാർച്ചിൽ സംഘർഷം ഉണ്ടായി. പ്രിയങ്കയെ അറസ്റ്റ് ചെയ്ത് പോലീസ് വാഹനത്തിൽ കയറ്റിയെങ്കിലും പ്രവർത്തകർ വാഹനത്തിന് മുന്നിൽ കുത്തിയിരുന്നു പ്രതിഷേധിച്ചു. തുടർന്ന് പോലീസ് പ്രവർത്തകരെയും അറസ്റ്റ് ചെയ്ത് നീക്കി. വലിച്ചിഴച്ചാണ് പ്രവർത്തകരെ വാഹനത്തിലേക്ക് കയറ്റിയത്.

‘സർക്കാർ കർഷകരുടെ ശബ്ദം കേൾക്കണം, കാർഷിക നിയമങ്ങൾ പിൻവലിക്കണം, ഭരണകൂടം കർഷകരുടെ വയറ്റത്ത് ചവിട്ടുകയാണ്. സർക്കാർ പറയുന്നത് കേൾക്കാനാണ് അവർ കർഷകരോട് ആവശ്യപ്പെടുന്നത്.’ പ്രിയങ്ക മാധ്യമപ്രവർത്തകരോടു പറഞ്ഞു.

പതിനൊന്ന് മണിയോടെയാണ് രാഹുൽ ഗാന്ധിയുടെ നേതൃത്വത്തിൽ കോൺഗ്രസ് എം.പിമാർ രാഷ്ട്രപതി ഭവനിലേക്ക് മാർച്ച് ആരംഭിച്ചത്. പ്രിയങ്ക ഗാന്ധി, കെ.സി.വേണുഗോപാൽ, കൊടിക്കുന്നിൽ സുരേഷ്, ടി.എൻ. പ്രതാപൻ ഉൾപ്പടെയുളള നേതാക്കൾ രാഹുൽ ഗാന്ധിക്കൊപ്പം ഉണ്ടായിരുന്നു. എ.ഐ.സി.സി. ഓഫീസിൽനിന്നാണ് മാർച്ച് ആരംഭിച്ചത്. മാർച്ച് അക്ബർ റോഡിലേക്ക് പ്രവേശിച്ചെങ്കിലും ബാരിക്കേഡ്
നിരത്തി മാർച്ച് പോലീസ് തടയുകയായിരുന്നു. തുടർന്ന് രാഹുൽ ഗാന്ധി രാഷ്ട്രപതിയെ കാണുന്നതിന് വേണ്ടി രാഷ്ട്രപതി ഭവനിലേക്ക് മടങ്ങി

Spread the love
Read Also  ഇന്ത്യൻ കർഷകർ നടത്തുന്ന പ്രതിഷേധം ലോക ശ്രദ്ധയിലേക്ക്