Wednesday, June 23

ദേശീയ പൗരത്വ ബില്ലിനെ ട്രോളി വി എം ഗിരിജ എഴുതിയ കവിത

ദേശീയ പൗരത്വ ബില്ലിനെ ട്രോളി പ്രശസ്ത കവി വി എം ഗിരിജ എഴുതിയ കവിത സമൂഹമാധ്യമങ്ങളിൽ വൈറലായി. ജാതിവിവേചനങ്ങൾക്കെതിരെയും ന്യൂനപക്ഷങ്ങൾക്കെതിരെയുള്ള നിലവിലുള്ള രാഷ്ട്രീയവും സാമൂഹികവുമായ ആക്രമണങ്ങളെയും പ്രതിരോധിക്കുന്നതാണു ഈ ട്രോൾ കവിത

അദ്വൈതം

ലോകാ സമസ്താ സുഖിനോ ഭവന്തു .
നിന്റെ മുത്തപ്പന്റെ ,അപ്പൂപ്പന്റെ അമ്മൂമ്മയുടെ അപ്പൂപ്പ ൻമാർ എന്ന് വന്നു?
എവിടെ നിന്ന്?
പേര് ?

യത്ര വിശ്വം ഭവത്യേകനീഡം
അവരുടെ നിറം ?
മുടി ചുരുണ്ടോ നീണ്ടോ

യത്ര വാചോ നിവർത്തന്തേ അപ്രാപ്യ മനസാ സഹ
മൊഴി വഴി തൊഴിൽ?
സംസ്‌കൃതം ?ഹാ….
അറബി ഉര്ദുൊ ?ഹൂ.

ആ ബ്രഹ്മ കീടജനനി
കീടങ്ങൾക്ക് വരാം ശ്രീകോവിലിലും.
വേറെ വീട് നോക്കെടോ.

തത്വമസി
പക്ഷെ നീ ഞാൻ ആവില്ല.

അഹം ബ്രഹ്‌മാസ്‌മി
അഹങ്കാരീ നീയല്ല അഹം. ഞാൻ മാത്രം.

പരോപകാര: പുണ്യായ ,പാപായ പര പീഡനം.
ചിലരെ തുടച്ചു നീക്കുന്നതും പുണ്യം

ഏകമേവാദ്വിതീയം
ഞങ്ങൾ ഞങ്ങളുടെ മാത്രം.

മാ നിഷാദ.
ആ കാട്ടാളനെ ചുട്ടു പൊട്ടിക്ക്

ബ്രഹ്മ സത്യം ജഗന്മിഥ്യാ

മിഥ്യാ ജഗത്തിൽ നിന്ന് പോടോ ഇറങ്ങി. സത്യബ്രഹ്മം പൂകു.

ജീവോ ബ്രഹ്മൈവ നാപര:
ഹും..എന്റെ ജീവൻ അങ്ങനെ…..
.നിന്റെ ജീവൻ ബാക്കി വെച്ചെന്കിലല്ലേ..

ആത്മാ ജ്ഞാനമയ: പുണ്യോ
ആത്മാവ് എല്ലാവര്ക്കും തുല്യമല്ല തെണ്ടീ.

പ്രതിപക്ഷം ഫേസ്‌ബുക്ക് പേജ്

പ്രതിപക്ഷം വാട്ട്സാപ്പിൽ

Spread the love
Read Also  'ഞങ്ങൾ മതത്തെ അടിസ്ഥാനമാക്കി പൗരന്മാരെ വേർതിരിക്കാറില്ല' ; അമിത് ഷായുടെ പ്രസ്താവനയ്ക്കെതിരെ ബംഗ്ളാദേശ്

Leave a Reply