ప్రతిపక్షం, జిల్లా ప్రతినిధి నిర్మల్, మే 28 : ప్రమాదవశాత్తు ట్రాక్టర్ బోల్తా పడి డ్రైవర్ మృతి చెందిన ఘటన నిర్మల్ జిల్లా తానూరు మండలంలో చోటుచేసుకుంది. తానూర్ ఎస్‌ఐ సందీప్ తెలిపిన వివరాల ప్రకారం.. మండలంలోని కర్బలా గ్రామానికి చెందిన సాయినాథ్ (35 )వ్యవసాయ భూమిలో భూమిని చెదను చేస్తుండగా.. ప్రమాదవశాత్తు ట్రాక్టర్ అదుపుతప్పి డ్రైవర్ పై పడింది. దీంతో అతను అక్కడికక్కడే మృతి చెందినట్లు ఎస్సై సందీప్ తెలిపారు. మృతుని భార్య రేణుక ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నామన్నారు. ప్రతిరోజు మాదిరి వ్యవసాయ భూమిలో ట్రాక్టర్ తో పని చేసేందుకు వెళ్లిన మృతుడు సాయినాథ్ ప్రమాదవశాత్తు ట్రాక్టర్ పల్టిగొట్టడంతో సంఘటన స్థలంలోనే మృతి చెందినట్లు తెలిపారు. మృతదేహాన్ని భైంసా ఆసుపత్రికి తరలించినట్లు వివరించారు.
