ప్రతిపక్షం, జిల్లా ప్రతినిధి నిర్మల్, జూన్ 15 : నిర్మల్ జిల్లా నర్సాపూర్ (జి )మండలం పరిధిలోని బూరుగుపల్లి (కె )రహదారిలో శుక్రవారం రాత్రి కురిసిన ఉరుములు మెరుపులతో భారీ వర్షాలకు పిడుగు పడి ఓ వ్యక్తి మృతి చెందాడు. రాత్రి సమయంలో సదరు వ్యక్తి ఎప్పుడు చనిపోయాడు పిడుగు ఎప్పుడు పడిందో ఎవరికి ఆ స్థాయి సమాచారం లేకపోవడంతో శనివారం ఉదయం రహదారిలో ఆయన మృతదేహం కనిపించడంతో స్థానికులు నరర్సాపూర్ (జి) పోలీసులకు సమాచారం అందించారు.
ఈ మేరకు నర్సాపూర్ (జి)ఎస్సై హనుమాండ్లు సంఘటన స్థలానికి చేరుకొని సదరవ్యక్తి మృతికి గల కారణాలను ఆరా తీశారు. పిడుగు పడి గుర్తుతెలియని వ్యక్తి మృతి చెందినట్లు నిర్ధారించారు. మృతి చెందిన వ్యక్తి వయస్సు (55 )వరకు ఉండవచ్చునని తెలిపారు. మృతుని వివరాలు ఇప్పటి వరకు తెలియ రాలేదని,ఎవరైనా తెలిసిన వారు ఉంటే నర్సాపూర్ (జి) పోలీసులకు సంప్రదించవచ్చునని ఎస్సై కోరారు.
