ప్రతిపక్షం, వెబ్‌డెస్క్: కూకట్‌పల్లి స్టేషన్ పరిధిలోని శేషాద్రి నగర్‌లో సైబరాబాద్ SOT పోలీసులు MDMA డ్రగ్ ను పట్టుకున్నారు. విశ్వసనీయ సమాచారం మేరకు సైబరాబాద్ ఎస్‌ఓటీ మాదాపూర్ టీం, కూకట్‌పల్లి పోలీస్ లు కూకట్‌పల్లి స్టేషన్ పరిధిలో ని శేషాద్రినగర్ లో ఇద్దరు యువకులను అదుపులోకి తీసుకుని వారి వద్దనుండి 3 గ్రాముల MDMA డ్రగ్ ను స్వాధీనం చేసుకున్నారు.
బెంగళూరు లో పనిచేస్తున్న వీరి మిత్రుడైన ప్రేమ్ సాయి అనే యువకుడు వీరికి సప్లయి చేస్తున్నట్లు తెలుస్తోంది. దీంతో కేసు నమోదు చేసుకుని పోలీసులు దర్యాప్తు చేస్తున్నారు. మరొకేసులో సైబరాబాద్ ఎస్‌ఓటీ మాదాపూర్ టీం, జగత్‌గిరిగుట్ట పోలీస్ లు జగత్‌గిరిగుట్ట పీఎస్ పరిధిలోని బాలకృష్ణ హైస్కూల్, తులసినగర్ వద్ద ఇద్దరు విద్యార్థులను పట్టుకుని 02 చిన్న జిప్డ్ కవర్లలో 03 గ్రాముల MDMA డ్రగ్, చిన్న ప్యాకెట్లలో ఉన్న 45 గ్రాముల గంజాయిని స్వాధీనం చేసుకున్నారు. ఈ కేసు విచారణలో రోహిత్ అనే విజయవాడ కు చెందిన యువకుడు (ఇంతకుముందు బెంగుళూరు విమానాశ్రయంలో పనిచేశారు) హైదరాబాద్ వచ్చి డ్రగ్ డెలివరీ చేశాడని సమాచారం.
