ప్రతిపక్షం, గజ్వేల్, జూన్ 1: సిద్దిపేట జిల్లా గజ్వేల్ అంగడి పెట్ హనుమాన్ దేవాలయం వద్ద శనివారం వాసవి క్లబ్ సభ్యుడు ప్రముఖ వ్యాపారవేత్త గందే రమేష్ బాల లక్ష్మి ఆధ్వర్యంలో అంబలి పంపిణీ కార్యక్రమం నిర్వహించారు. ఈ కార్యక్రమంలో ప్రముఖ ఆధ్యాత్మిక వేత్త వాసవి ఉపాసకులు డాక్టర్ వంగపల్లి అంజయ్య స్వామి పాల్గొన్నారు. అనంతరం ఆయన మాట్లాడుతూ.. వాసవి క్లబ్ సేవలు అభినందనీయం అని వారి ఆధ్వర్యంలో విశేష సేవా కార్యక్రమాలు చేస్తున్న వాసవి క్లబ్ గజ్వేల్ ప్రేజ్ఞపూర్ వారికి వాసవి కన్యకాపరమేశ్వరి అమ్మ ఆశీస్సులు ఎల్లప్పుడూ ఉండాలని కోరుకుంటున్నానన్నారు. ఈ కార్యక్రమంలో వాసవిక్లబ్ గజ్వేల్, ప్రజ్ఞాపూర్, వాసవి యూత్ సభ్యులు తదితరులు పాల్గొన్నారు.
