ప్రతిపక్షం, గజ్వేల్ మే 24: సిద్దిపేట జిల్లా గజ్వేల్ క్రికెట్ అసోసియేషన్ ఆధ్వర్యంలో అధ్యక్షుడు హరి చంద్ర ప్రసాద్ నేతృత్వంలో గత వారం రోజులుగా నిర్వహించిన ఉచిత సమ్మర్ క్రికెట్ క్యాంప్ ఘనంగా ముగిసింది. ఈ సందర్భంగా శుక్రవారం క్రికెట్ క్రీడాకారులకు ప్రశంసా పత్రాలు అందజేశారు. ఈ కార్యక్రమానికి ముఖ్య అతిథిగా హాజరైన సిద్దిపేట జిల్లా బాలల సంక్షేమ సమితి సభ్యుడు రాష్ట్రపతి అవార్డు గ్రహీత దేశబోయిన నర్సింహులు మాట్లాడుతూ.. క్రీడలు మానసిక ఉల్లాసం తో పాటు శరీరక దారుడ్యం స్నేహభావం పెంపోందిస్తుందని అని ప్రతి ఒక్కరూ విద్యార్థి దశ నుంచే క్రీడల్లో రాణించాలని క్రికెట్ లో మెలుకువలు నేర్పే విధంగా సమ్మర్ క్రికెట్ క్యాంప్ నిర్వహించడం అభిందనీయం అన్నారు.
అనంతరం క్రికెట్ కోచ్ హరి చంద్ర ప్రసాద్ మాట్లాడుతూ.. సమ్మర్ క్రికెట్ క్యాంప్ నిర్వహణకు హైదారాబాద్ క్రికెట్ అసోసియేషన్ ముందుకు రావడం సంతోషంగా ఉందని, క్రికెట్ లో గజ్వేల్ నుండి రాష్ట్ర దేశ స్థాయిలో పాల్గొనే విధంగా క్రికెట్ క్రీడాకారులను వెలికి తీసే ప్రయత్నంలో భాగంగా క్రికెట్ క్యాంప్ నిర్వహించడం జరిగిందని, సమ్మర్ క్రికెట్ క్యాంప్ కు సహకరించిన ప్రతి ఒక్కరికి ధన్యవాదాలు తెలిపారు. ఈ కార్యక్రమంలో ఉమ్మడి మెదక్ జిల్లా హైదారాబాద్ క్రికెట్ అసోసియేషన్ సెక్రటరీ రాజేందర్ రెడ్డి, సీనియర్ క్రీడాకారులు బాకీ స్వామి, ఖాజా పాషా, శ్రీనివాస్, భాస్కర్, శ్రీకాంత్, శ్రీనివాస్, తదితరులు పాల్గొన్నారు.
