హైదరాబాద్, రంగారెడ్డి జిల్లాల వ్యాప్తంగా శుక్రవారం అర్ధరాత్రి పలు పబ్‌లు, రెస్టారెంట్‌లపై తెలంగాణ నార్కోటిక్ బ్యూరో, ఎక్సైజ్ పోలీసులు సంయుక్తంగా దాడులు చేశారు. పలువురు డ్రగ్స్ తీసుకుంటున్నట్లు పక్కా సమాచారంతో మొత్తం 25 పబ్బుల్లో ఈ తనిఖీలు కొనసాగాయి. ఇందులో ఐదుగురు డ్రగ్స్ తీసుకున్నట్లు నిర్ధారణ అయ్యింది. మరో చోట గంజాయి పరీక్షల్లో ఇద్దరికి పాజిటివ్‌గా నిర్ధారణ అయ్యింది. ఈ దాడుల్లో పలువురిని అదుపులోకి తీసుకున్నట్లు పోలీసులు తెలిపారు.
డ్రగ్స్ తీసుకున్న ఐదుగురు కూడా సాఫ్ట్‌వేర్ ఉద్యోగులుగా గుర్తించారు. ఐదుగురు డ్రగ్స్ తీసుకున్నట్లు గుర్తించగా, ఒకరు మాత్రం గంజాయి సేవించినట్లు పరీక్షల్లో నిర్ధారణ అయింది. దీంతో వారిని అదుపులోకి తీసుకుని పోలీసులు ప్రశ్నిస్తున్నారు. డ్రగ్స్ ఎక్కడి నుంచి తీసుకు వచ్చారన్న దానిపై విచారణ జరుపుతున్నారు.
