Road Accidentin ysr dist: వైఎస్‌ఆర్‌ జిల్లాలో రోడ్డు ప్రమాదం చోటుచేసుకుంది. పులివెందుల సమీపంలో ఓ ఆర్టీసీ బస్సు లోయలో పడింది. వివరాల ప్రకారం.. దిరి నుంచి పులివెందుల వెళ్తుండగా.. ఎదురుగా వస్తున్న వాహనాలను తప్పించ క్రమంలో ఆర్టీసీ పల్లె వెలుగు బస్సు ఏకంగా 30 అడుగుల లోయలో పడింది. ఈ ఘటనలో 20 మంది ప్రయాణికులకు గాయాలయ్యాయి. వెంటనే స్థానికులు క్షతగాత్రులను పులివెందుల ప్రభుత్వాసుపత్రికి తరలించారు. వీరిలో ఇద్దరి పరిస్థితి విషమంగా ఉందని వైద్యులు తెలిపారు. ఈ మేరకు పోలీసులు సంఘటనా స్థలానికి చేరుకొని పరిశీలించారు. అనంతరం కేసు నమోదు చేసుకొని దర్యాప్తు చేపట్టారు.
