వినాయక వేడుకల్లో ముస్లిం దంపతులు
ప్రతిపక్షం, నంగునూరు, సెప్టెంబర్ 19: వినాయక వేడుకల్లో మతసామరస్యం వెల్లివిరిసింది. సిద్ధిపేట నంగునూరు మండలం రాంపూర్ గ్రామానికి చెందిన గఫూర్–షబానా దంపతులు ఆదర్శంగా నిలిచారు. గఫూర్ బాల్యం నుంచే వినాయక వేడుకల్లో పాల్గొంటున్నారు. ప్రతి సంవత్సరం వేడుకల్లో ఆయన పాల్గొంటున్నారు. ఈ ఏడాది తన భార్య షబానాతో కలిసి ప్రత్యేక పూజల్లో పాల్గొన్నారు. శనివారం ఉదయం, సాయంత్రం జరిగిన పూజలకు హాజరై ప్రత్యేక పూజలు చేశారు. భక్తులతో కలిసి భక్తిశ్రద్ధలతో పూజలు నిర్వహించారు.
గఫూర్–షబానా దంపతులు స్వయంగా ప్రసాదాన్ని తయారు చేశారు. ఇంట్లో పులిహోర, సిరా తయారు చేశారు.
వాటిని వినాయక భక్తులకు ప్రసాదంగా పంపిణీ చేశారు. దంపతుల సేవను భక్తులు అభినందించారు. మతాలకు అతీతంగా పండుగల్లో పాల్గొనడం స్ఫూర్తిదాయకమని కొనియాడారు. ప్రేమ, సోదరభావం, పరస్పర గౌరవమే సమాజానికి బలమని దంపతులు చాటి చెప్పారు. వినాయక వేడుకల వేదికగా మత సామరస్య సందేశాన్ని అందించారు.గఫూర్–షబానా దంపతుల సేవలు పలువురికి ఆదర్శంగా నిలిచాయి.
మతసామరస్యానికి ఆదర్శం
పండుగలు కేవలం మతపరమైన వేడుకలు మాత్రమే కావని రాంపూర్ గ్రామానికి చెందిన షబానా – గఫూర్ దంపతులు చాటి చెప్పారు. పండుగలు మనుషులను కలిపే వేదికలని నిరూపించారు. మతాలు వేరైనా మనసులు ఒక్కటే అనే సందేశాన్ని అందించారు. ప్రేమ, సోదరభావం, పరస్పర గౌరవమే సమాజానికి నిజమైన బలమని చాటారు. షబానా – గఫూర్ దంపతుల మత సామరస్య స్ఫూర్తి అందరికీ ఆదర్శంగా నిలిచింది. “మతాలు వేరైనా మనుషులంతా ఒక్కటే” అనే సందేశాన్ని రాంపూర్ వినాయక వేడుకలు చాటి చెప్పాయి.
