8 people drown while bathing in river in Gujarat: వినాయక చవితి నిమజ్జనంలో విషాదం నెలకొంది. గుజరాత్‌లోని గాంధీనగర్ జిల్లాలో అర్ధరాత్రి వినాయకుడిని నిమజ్జనం చేసేందుకు కొంతమంది యువకులు మెష్వా నదిలోకి తీసుకెళ్లారు. ఆ తర్వాత ఓ యువకుడు నదిలోకి దిగాడు. నీటి ప్రవాహం పెరగడంతో నదిలో కొట్టుకుపోయాడు. ఈ సమయంలో అతడిని కాపాడేందుకు అతడి మిత్రులు కూడా నదిలో దూకారు. ఈ ఘటనలో మొత్తం ఎనిమిది మంది కొట్టుకుపోయారు. మృతులంతా దేకాం తాలుకాలోని వస్నాసోగ్తి గ్రామానికి చెందిన యువకులుగా గుర్తించారు. సమాచారం అందుకున్న పోలీసులు సంఘటనా స్థలానికి చేరుకొని దర్యాప్తు చేపట్టారు. మృతుల వివరాలు తెలియాల్సి ఉంది. ఈ ఘటనపై ప్రధాని నరేంద్ర మోదీ ఎక్స్ వేదికగా దిగ్భ్రాంతి వ్యక్తం చేశారు.
