Heavy Rain in vijayawada: విజయవాడలో మరోసారి భారీ వర్షం కురుస్తోంది. ఈ నేపథ్యంలో సహాయ కార్యక్రమాలకు ఆటంకం ఏర్పడింది. గత రెండు రోజులుగా ముంపు ప్రాంతాల్లో అధికారులు బురదను తొలగించే పనులు చేపడుతున్నారు. అలాగే బాధిత కుటుంబాలకు ప్రభుత్వం నిత్యావసర సరుకులు అందజేస్తుంది. ఇప్పటికే బుడమేరు గండ్లను పూర్తిగా పూడ్చివేశారు. మూడు గండ్లను మూసివేయడంతో దిగువ ప్రాంతాలకు వరద ప్రవాహం నిలిచిపోయింది.
ఇదిలా ఉండగా, రానున్న మూడు రోజులు వర్షాలు కురుస్తాయని వాతావరణ శాఖ హెచ్చరించింది. బంగాళాఖాతంలో ఏర్పడిన అల్పపీడనం శనివారం తీవ్ర అల్పపీడనంగా బలపడింది. ఈ అల్పపీడనం ఉత్తర దిశగా కదులుతూ..ఒడిశా, పశ్చిమ బంగ్లాదేశ్ తీరాల్లో వాయుగుండంగా సోమవారం నాటికి మారనుంది.
