ప్రతిపక్షం, ప్రతినిధి నిజామాబాద్, మే 18: నిజామాబాద్ జిల్లా కేంద్రము ధర్నా చౌక్ వద్ద శనివారం ఉదయం శిక్షణలో ఉన్న ఐపీఎస్ అధికారి చైతన్య రెడ్డి వాహనం ఢీకొని ఒకరికి తీవ్ర గాయాలు అయ్యాయి. నిజామాబాద్ నగరంలోని వినాయక నగర్ ప్రాంతానికి చెందిన అశోక్ ఓ పని నిమిత్తం సుభాష్ నగర్ వైపు వెళ్తున్నాడు. అదే సమయంలో సుభాష్ నగర్ నుంచి ఎన్టీఆర్ చౌరస్తా వెైపు వస్తున్న ట్రైనీ ఐపీఎస్ చైతన్య రెడ్డికి చెందిన ఇన్నోవావాహనం బలంగా ఢీకొట్టింది. ఈ ఘటనలో అశోక్ తలకు తీవ్ర గాయాలయ్యాయి. వెంటనే క్షతగాత్రుడిని ట్రైనీ ఐపీఎస్ అధికారి సమీపంలోని ఓ ప్రైవేట్ ఆస్పత్రికి తరలించారు. ప్రస్తుతం బాధితుడికి చికిత్స కొనసాగుతోంది. కాగా ఈ వాహనం నడుపుతున్నది ఎవరనేది సస్పెన్షన్ గా మారింది.
