Saif Ali Khan-Rahul Gandhi: కాంగ్రెస్ అగ్రనేత రాహుల్ గాంధీపై బాలీవుడ్ యాక్టర్ సైఫ్ అలీఖాన్ ఆసక్తికర వ్యాఖ్యలు చేశాడు. ఓ జాతీయ మీడియాకు ఇచ్చిన ఇంటర్వ్యూలో రాహుల్ గాంధీ గురించి మాట్లాడారు. అయితే రాజకీయ నేతల గురించి చర్చలో భాగంగా ఎలాంటి నాయకుడిని ఇష్టపడతారు? అని మీడియా ప్రతినిధి ప్రశ్నించారు. అలాగే ప్రధాని నరేంద్ర మోదీ, ఢిల్లీ మాజీ సీఎం అరవింద్ కేజ్రీవాల్, రాహుల్ గాంధీ వీరిలో ఎవరూ అని యాంకర్ అడిగారు.
ఈ ప్రశ్నలకు బాలీవుడ్ యాక్టర్ సైఫ్ అలీ ఖాన్‌ ఆసక్తికర వ్యాఖ్యలు చేశాడు. రాజకీయవేత్తలు అందరూ ధైర్యవంతులన్నారు. అనంతరం రాహుల్ గాంధీపై ప్రశంసలు చేశాడు. ఆయన ఎంతో ధైర్యవంతుడైన రాజకీయ నాయకుడు.. ప్రజల్లో తన ఇమేజ్‌ను మరింత పెంచుకునేందుకు తనను తాను ఎంతో సంస్కరించుకున్నారని అన్నారు. ధైర్యంగా, నిజాయతీగా ఉండే పొలిటికల్ నాయకులంటే ఇష్టమని చెప్పారు.
