ప్రతిపక్షం, వెబ్‌డెస్క్: రంగారెడ్డి జిల్లా ఆమనగల్ మండలం వాసుదేవ్పూర్ గేటు సమీపంలో హైదరాబాద్ శ్రీశైలం జాతీయ రహదారిపై తెల్లవారుజామున ఘోర రోడ్డు ప్రమాదం జరిగింది. ఎదురెదురుగా వస్తున్న ఆర్టీసీ బస్సు, కారు వేగంగా ఢీకొనడంతో కారులో ఉన్న ముగ్గురు వ్యక్తులు అక్కడికక్కడే మృతి చెందారు. ఈ ప్రమాదంలో కారు నుజ్జునుజ్జు కావడంతో పోలీసులు జేసీబీ సాయంతో కారులో ఇరుక్కుపోయిన ముగ్గురి మృతదేహాలను బయటికి తీశారు. మృతులు హైదరాబాద్ వాసులుగా పోలీసులు గుర్తించారు.
