Free Gas Cylinders Scheme: ఏపీ మహిళలకు ప్రభుత్వం గుడ్ న్యూస్ చెప్పింది. ఉచిత గ్యాస్ సిలిండర్ పథకం అమలుపై కీలక ప్రకటన చేసింది. సూపర్ సిక్స్‌లో భాగంగా ప్రకటించిన ఉచిత గ్యాస్ సిలిండర్ల పంపిణీ పథకాన్ని అమలు చేయాలని సీఎం చంద్రబాబు నిర్ణయించారు. ఈ మేరకు దీపావళి నుంచి ఈ పథకాన్ని ప్రారంభిస్తామని సీఎం చంద్రబాబు తెలిపారు. దీపావళి పండుగ రోజున ఉచితంగా మొదటి సిలిండర్ అందిస్తామన్నారు. ఈ విషయాన్ని మంగళగిరిలోని సీకే కన్వెన్షన్‌లో ఎన్డీయే శాసనసభాపక్ష సమావేశంలో వెల్లడించారు. కాగా, ఎన్నికల హామీల్లో భాగంగా మహాశక్తి పథకం కింద పేదలకు ప్రతి ఏటా 3 గ్యాస్ సిలిండర్లు ఉచితంగా అందిస్తామని మేనిఫెస్టోలో చెప్పారు. ఈ పథకం ద్వారా తెల్ల రేషన్ కార్డు ఉన్న లబ్ధిదారులకు ప్రతి ఇంటికీ 3 గ్యాస్ సిలిండర్లను ప్రభుత్వం ఉచితంగా అందించనుంది.
