ప్రతిపక్షం, జూలై 22: తమిళనాడు మాజీ ముఖ్యమంత్రి ఎం.కే. స్టాలిన్ మరోసారి నీట్ పరీక్షను రద్దు చేయాలని కేంద్ర ప్రభుత్వాన్ని కోరారు. నీట్ అమలుతో చోటుచేసుకుంటున్న అవకతవకలపై తమ పార్టీ డీఎంకే మొదటి నుంచే వ్యతిరేకిస్తోందని ఆయన గుర్తుచేశారు.
ప్రస్తుతం ఢిల్లీలో జరుగుతున్న విద్యార్థుల నిరసనలు దేశవ్యాప్తంగా ప్రజల దృష్టిని ఆకర్షిస్తున్నాయని స్టాలిన్ పేర్కొన్నారు. ఈ ఉద్యమం ప్రధాన లక్ష్యం నీట్ పరీక్షను పూర్తిగా రద్దు చేయడమే కావాలని ఆయన అభిప్రాయపడ్డారు. విద్యార్థుల భవిష్యత్తును దృష్టిలో పెట్టుకుని కేంద్ర ప్రభుత్వం తక్షణమే నిర్ణయం తీసుకోవాలని సూచించారు.
నీట్ పరీక్ష రద్దు చేస్తేనే విద్యా వ్యవస్థలో తలెత్తుతున్న అనేక సమస్యలకు శాశ్వత పరిష్కారం లభిస్తుందని స్టాలిన్ స్పష్టం చేశారు. ఇదిలా ఉండగా, తమిళనాడులో అధికారంలో ఉన్న టీవీకే పార్టీ కూడా నీట్ పరీక్ష రద్దును డిమాండ్ చేస్తూ విద్యార్థుల ఆందోళనకు మద్దతు ప్రకటించింది.
