IMD Issues Heavy Rain Alert in Telugu States: తెలుగు రాష్ట్రాలను వాతావరణ శాఖ అలర్ట్ చేసింది. రానున్న రెండు రోజులు భారీ వర్షాలు కురిసే అవకాశం ఉందని భారత వాతావరణ శాఖ వెల్లడించింది. తెలంగాణలో హైదరాబాద్‌తోపాటు పలు జిల్లాల్లో అతి భారీ వర్షాలు కురుస్తాయని చెప్పింది. ఈ మేరకు నల్లగొండ, సూర్యాపేట, ఖమ్మం, భద్రాద్రి కొత్తగూడెం, ఆదిలాబాద్, ఆసిఫాబాద్, యాదాద్రి, నారాయణపేట, మహబూబ్ నగర్, సంగారెడ్డి, మెదక్, వనపర్తి, గద్వాల తదితర జిల్లాలకు ఐఎండీ ఎల్లో అలర్ట్ జారీ చేసింది. అలాగే ఏపీలోని మన్యం, అల్లూరి, కోనసీమ, తూర్పుగోదావరి, ప్రకాశం, కర్నూలు, నంద్యాల, అనంతపురం, శ్రీసత్యసాయి, అన్నమయ్య, చిత్తూరు జిల్లాల్లో ఓ మోస్తరు వర్షాలు కురుస్తాయని, మిగతా జిల్లాల్లో తేలికపాటి జల్లులు పడతాయని పేర్కొంది. రైతులు అప్రమత్తంగా ఉండాలని, అత్యవసరమైతే తప్పా బయటకు వెళ్లవద్దని సూచించింది.
