ప్రతిపక్షం, ఆగస్టు 01: హైదరాబాద్: తెలంగాణలో ప్రత్యేక సమగ్ర ఓటరు జాబితా సవరణ (SIR) ప్రక్రియకు రాష్ట్ర ఎన్నికల సంఘం మరోసారి గడువు పొడిగించింది. ఎన్యూమరేషన్ ఫారాల సమర్పణకు ముందుగా ఆగస్టు 3 వరకు గడువు ఉండగా, ప్రజలకు మరింత అవకాశం కల్పిస్తూ దానిని ఆగస్టు 10 వరకు పొడిగిస్తూ తాజా ఉత్తర్వులు జారీ చేసింది.
మొదట ఈ ప్రక్రియకు జులై 24 వరకు మాత్రమే గడువు నిర్ణయించిన ఎన్నికల సంఘం, ప్రజల నుంచి వచ్చిన విజ్ఞప్తులు, ఫారాల సమర్పణ కొనసాగుతున్న నేపథ్యంలో తొలుత ఆగస్టు 3 వరకు గడువును పెంచింది. తాజాగా మరోసారి గడువును పొడిగిస్తూ ఆగస్టు 10 వరకు ఫారాలు స్వీకరించాలని నిర్ణయించింది.
ఈ సందర్భంగా ఎన్నికల అధికారులు అర్హులైన ప్రతి ఓటరు ఎన్యూమరేషన్ ఫారాలను సకాలంలో సమర్పించాలని సూచించారు. ఓటరు జాబితాలో పేరు నమోదు, సవరణలు, మార్పులు లేదా ఇతర వివరాల కోసం ఇంకా అవకాశం ఉన్నందున ఈ గడువును వినియోగించుకోవాలని విజ్ఞప్తి చేశారు.
గడువు ముగిసేలోపు అవసరమైన పత్రాలతో ఫారాలను సమర్పించి ఓటరు జాబితాలో తమ వివరాలు సక్రమంగా నమోదయ్యేలా చూసుకోవాలని అధికారులు సూచించారు. రాష్ట్రవ్యాప్తంగా SIR ప్రక్రియను వేగవంతంగా పూర్తి చేసేందుకు జిల్లా ఎన్నికల యంత్రాంగానికి కూడా తగిన ఆదేశాలు జారీ చేసినట్లు తెలిపారు.
