ప్రతిపక్షం, ఆగస్టు 28: నేపాల్ను వరదలు, ఆకస్మిక ఉప్పెనలు వణికిస్తున్నాయి. వరదల కారణంగా మృతుల సంఖ్య రోజురోజుకూ పెరుగుతోంది. ఇప్పటివరకు 469 మందికి పైగా ప్రాణాలు కోల్పోయినట్లు అధికారులు వెల్లడించారు. మరో 1,468 మందికి పైగా ఆచూకీ తెలియడం లేదని తెలిపారు. గల్లంతైన వారిలో 290 మంది భారతీయులు ఉన్నట్లు సమాచారం.
వరద ప్రభావిత ప్రాంతాల్లో సహాయక, రక్షణ చర్యలను అధికారులు ముమ్మరం చేశారు. నదీ తీర ప్రాంతాలు, వరద నీటిలో చిక్కుకున్న ప్రాంతాల్లో ప్రాణాలతో ఉన్న వారి కోసం ప్రత్యేక బృందాలు విస్తృతంగా గాలిస్తున్నాయి. గల్లంతైన వారి ఆచూకీ కోసం రెస్క్యూ సిబ్బంది శ్రమిస్తున్నారు.
భారీ వర్షాలు, నదుల్లో ఉద్ధృతి కారణంగా పలు ప్రాంతాల్లో పరిస్థితి అత్యంత ఆందోళనకరంగా మారింది. ఇప్పటికే పెద్ద సంఖ్యలో ప్రాణనష్టం సంభవించడంతో అధికారులు అప్రమత్తంగా వ్యవహరిస్తున్నారు. బాధితులకు అవసరమైన సహాయం అందించేందుకు సహాయక చర్యలు కొనసాగుతున్నాయి.
మరోవైపు, కొన్ని ప్రాంతాల్లో మళ్లీ భారీగా వరదలు వచ్చే అవకాశం ఉందన్న ఆందోళన స్థానికుల్లో నెలకొంది. నదీ పరివాహక ప్రాంతాల్లో నివసిస్తున్న ప్రజలను అధికారులు అప్రమత్తం చేస్తున్నారు. పరిస్థితిని ఎప్పటికప్పుడు పర్యవేక్షిస్తూ, అవసరమైన చోట్ల సహాయక చర్యలను వేగవంతం చేస్తున్నారు.
