ఇంటి వద్ద హైటెన్షన్.
రంగంలోకి దిగిన బీఆర్ఎస్ నతేలు..
హైదరాబాద్, ప్రతిపక్షం స్టేట్బ్యూరో: ఎట్టకేలకు ఎమ్మెల్సీ కవితను ఈడీ అధికారులు అరెస్ట్ చేశారు. ఢిల్లీ మధ్యం కుంభకోణం కేసులో కవితకు ప్రమేయం ఉందంటూ గత ఏడాది కాలంగా ఈడీ విచారణ కొనసాగుతోంది. గతంలో ఢిల్లీలో ఈడీ విచారణకు హాజరైన కేసుకు సంబంధించిన విచారణలో పాల్గొన్నారు. అయితే లోక్సభ ఎన్నికల షెడ్యూల్ ప్రకటించే ఒక రోజు ముందుగా ఢిల్లీ నుంచి ఈడీ, ఐటి అధికారులు హైదరాబాద్ విచ్చేసి ఆమె ఇంటిలో సోదాలు నిర్వహించారు. ఈ సోదాల్లో పలు కీలకమైన ఆధారాలు లభించినట్లు సమాచారం. దీంతో కవితకు ఈడీ అధికారులు అరెస్ట్ వారంటు ఇచ్చిన అనంతరం ఆమెను ఆరెస్ట్ చేశారు.
హైడ్రామా..
కవితను ఆరెస్టు చేసినట్లు వార్తలు తెలుసుకొన్న బీఆర్ఎస్ నేతలు, కార్యకర్తలు భారీ ఎత్తున ఆమె ఇంటికి చేరుకోవడంతో హైడ్రామా నెలకొంది. ఇప్పటికి కవిత ఇంటిలోపే ఉంది. ఇంటి నుంచి బయటకి ఈడీ అధికారులు తీసుకరాలేదు. ఈడీ అధికారులు ఇంటి నుంచి తీసుకెళ్లేందుకు ముందుకు వస్తే అక్కడే అడ్డుకునేందుకు బీఆర్ఎస్ నేతలు సిద్ధమయ్యారు. పోలీసులు కార్యకర్తలను అక్కడి నుంచి వెళ్లగొడుతున్నారు.
