Heavy Rain In Mumbai: మహారాష్ట్రలోని ముంబయిలో భారీ వర్షాలు కురుస్తున్నాయి. ఇవాళ తెల్లవారుజామున కురిసిన వర్షాలకు పలు ప్రాంతాలు జలమయమయ్యాయి. లోతట్టు ప్రాంతాల్లో నీరు చేరి జనజీవనం అస్తవ్యస్తమైంది. పలు చోట్ల రహదారులపైకి వరద నీరు చేయడంతో వాహనదారులు అవస్థలు పడ్డాయి. ఇక, అర్ధరాత్రి ఠాణెలో కొండచరియలు బీభత్సం సృష్టించాయి. వర్షాల కారణంగా దాదాపు 14 విమానాలను దారి మళ్లించగా.. పలు రైళ్లు ఆలస్యంగా నడుస్తున్నాయి. అలాగే పాఠశాలలు, కళాశాలలకు ముంబయి మున్సిపల్‌ కార్పొరేషన్‌ గురువారం సెలవు ప్రకటించింది. అదే విధంగా రేపు కూడా భారీ వర్షాలు కురుస్తాయని, ఈ మేరకు వాతావరణ శాఖ రెడ్ అలర్ట్ జారీ చేసింది.
