ప్రతిపక్షం, వెబ్‌డెస్క్: ఇక్కడ పోస్టుకో రేటు, ఏసీబీ ఎక్కడ అనే శీర్షికన రవాణా శాఖలో జరుగుతున్న అక్రమాలపై రెండురోజులుగా ‘ప్రతిపక్షం’ పత్రికలో ప్రచురితమైన వరుస కథనాలపై ఏసీబీ స్పందించింది. అందులో భాగంగా తెలంగాణ వ్యాప్తంగా రవాణా శాఖ కార్యాలయాలపై సోదాలు నిర్వహిస్తున్నది.
అందిన సమాచారం మేరకు ఆదిలాబాద్ జిల్లాలోని బోరజ్ చెక్ పోస్ట్, రంగారెడ్డి, మహబూబబాద్, నాగోల్, బండ్లగూడ, మలక్ పేట, కరీంనగర్, మహబూబబాద్ కార్యాలయాల్లో దాడులు చేసినట్లు సమాచారం. ఇలా ఒకేసారి ఇంత పెద్ద మొత్తంలో కార్యాలయలను సోదాచేయడం తెలంగాణ రాష్ట్రంలో ప్రథమం అని చెప్పవచ్చు.
