Prasanth Varma Mahakali: హనుమాన్ డైరెక్టర్ ప్రశాంత్‌వర్మ పీవీసీయూలో రానున్న సినిమాపై అప్డేట్ ఇచ్చారు. గతంలో చెప్పిన ‘మహాకాళీ’ సినిమా ఈ యూనివర్స్‌ నుంచి తెరకెక్కనున్నట్లు తెలిపారు. దీనికి సంబంధించిన వీడియోను విడుదల చేశారు. ‘మా యూనివర్స్‌కు కొత్త శక్తి జోడైంది. అత్యంత భయంకరమైన చెడుపై యుద్ధం చేయడానికి కాళికాదేవి స్వరూపం రానుంది. సూపర్‌ హీరోలు ఎలా ఉంటారో ఈ చిత్రంలో చూపించనున్నాం’ అని తెలిపారు. ఈ సినిమాకు పూజా కొల్లురు దర్శకురాలు తెరకెక్కించనున్నట్లు వెల్లడించారు. ఈ సినిమాకు సంబంధించిన మరిన్ని వివరాలను త్వరలోనే వెల్లడించనున్నట్లు తెలిపారు.
అయితే ఈ ఏడాదిలో వచ్చిన హనుమాన్ భారీ విజయం సాధించింది. ఈ సినిమా ఆధారంగానే సీక్వెల్‌గా జై హనుమాన్ వచ్చే ఏడాది వస్తుందని ప్రకటించారు. కానీ ఈ సినిమా కంటే ముందే అధీర, మహాకాళీ వస్తున్నట్లు ప్రశాంత్‌ వర్మ ప్రకటించాడు. మరోవైపు ప్రశాంత్‌వర్మ సినిమాటిక్‌ యూనివర్స్‌ నుంచి రెండో ప్రాజెక్ట్‌ రాబోతోంది. ఇందులో నందమూరి బాలకృష్ణ తనయుడు మోక్షజ్ఞ నటిస్తున్నారు. ఈ సినిమాతోనే ఆయన టాలీవుడ్‌ ఎంట్రీ ఇస్తున్న సంగతి తెలిసిందే.
