ప్రతిపక్షం, జూలై 29: నీట్, జేఈఈ వంటి జాతీయ స్థాయి ప్రవేశ పరీక్షలను జాతీయ భద్రతా అంశంగా పరిగణించాలని ప్రముఖ పారిశ్రామికవేత్త హర్ష్ గోయెంకా అభిప్రాయపడ్డారు. చైనాలో నిర్వహించే ప్రపంచంలోని అత్యంత కఠినమైన ప్రవేశ పరీక్ష గావోకావో తరహాలో భారత పరీక్షా వ్యవస్థను మరింత పటిష్ఠంగా రూపొందించాలని కేంద్ర ప్రభుత్వానికి సూచించారు.
ప్రతి సంవత్సరం సుమారు 1.3 కోట్ల మంది హాజరయ్యే గావోకావో పరీక్షలో అమలు చేస్తున్న విధంగా ప్రశ్నాపత్రాల రవాణాకు GPS ట్రాకింగ్, అభ్యర్థుల బయోమెట్రిక్ ధృవీకరణ, పరీక్షా కేంద్రాల్లో కృత్రిమ మేధ (AI) ఆధారిత నిఘా వంటి అత్యాధునిక భద్రతా వ్యవస్థలను ప్రవేశపెట్టాలని ఆయన కోరారు.
ఈ మేరకు కేంద్ర విద్యాశాఖ మంత్రి ప్రహ్లాద్ జోషికి సామాజిక మాధ్యమం ద్వారా విజ్ఞప్తి చేసిన హర్ష్ గోయెంకా, ప్రశ్నాపత్రాల లీకేజీలను పూర్తిగా అరికట్టేందుకు సాంకేతికతను విస్తృతంగా వినియోగించాలని సూచించారు. పరీక్షల పారదర్శకత, విద్యార్థుల నమ్మకాన్ని కాపాడాలంటే కఠినమైన భద్రతా ప్రమాణాలు తప్పనిసరి అని ఆయన పేర్కొన్నారు.
