ప్రతిపక్షం, జూన్ 30: అయోధ్య రామ మందిర విరాళాల అక్రమాల కేసు దర్యాప్తులో జాప్యం జరుగుతోందని ఎంఐఎం అధినేత అసదుద్దీన్ ఒవైసీ ఆరోపించారు. నిందితులను పోలీసులు ఇప్పటివరకు కస్టడీకి కూడా తీసుకోలేదని విమర్శించారు.
ఈ సందర్భంగా ఒవైసీ మాట్లాడుతూ, ఇదే కేసులో ట్రస్టులో ముస్లిం వ్యక్తి ప్రమేయం ఉండి ఉంటే పరిస్థితి పూర్తిగా భిన్నంగా ఉండేదని వ్యాఖ్యానించారు. అలాంటి సందర్భంలో వెంటనే కఠిన చర్యలు తీసుకుని, ఎన్కౌంటర్ లేదా బుల్డోజర్ చర్యలు చేపట్టేవారని ఆరోపించారు.
ప్రస్తుతం మాత్రం కేసులో నిందితులపై ఆశించిన స్థాయిలో చర్యలు తీసుకోవడం లేదని, దర్యాప్తు ప్రక్రియ ఆలస్యమవుతోందని అసదుద్దీన్ ఒవైసీ విమర్శించారు.
