కేంద్ర జల్‌శక్తి శాఖకు చేరిన అసెంబ్లీ తీర్మానం
హైదరాబాద్, ప్రతిపక్షం స్టేట్బ్యూరో: కృష్ణా జలాలపై శాసనసభ తీర్మానాన్ని నదీ యాజమాన్య బోర్డు కేంద్ర జల వనరుల శాఖకు పంపింది. ఉమ్మడి ప్రాజెక్టులను కేఆర్ఎంబీకి అప్పగించేది లేదని ఇటీవల అసెంబ్లీ తీర్మానించిన విషయం తెలిసిందే. ఈ క్రమంలో నీటి పారుదల శాఖ కార్యదర్శి రాసిన లేఖను కృష్ణా బోర్డు కేంద్రానికి నివేదించింది. ఈ మేరకు కేఆర్ఎంబీ కేంద్ర జల వనరుల శాఖ సంయుక్త కార్యదర్శికి లేఖ రాశారు. అసెంబ్లీ ఎన్నికల రోజున ఏపీ ప్రభుత్వం సాగర్పై పోలీసులను మోహరించిన విషయాన్ని ఉత్తమ్కుమార్ రెడ్డి గుర్తు చేశారు. ప్రత్యేక రాష్ట్రం ఏర్పడిన తర్వాత నదీ జలాల విషయంలో తెలంగాణకు న్యాయం జరుగుతుందని అంతా ఆశించామని, అయితే రోజుకు 3 టీఎంసీల నీటిని ఆంధ్రప్రదేశ్ ప్రభుత్వం అక్రమంగా తరలించుకు వెళుతుందని ఆరోపించారు.
పదేళ్ల పాటు ఏపీకి 512 టీఎంసీలు, తెలంగాణకు 219 టీఎంసీలకు గత బీఆర్ఎస్ సర్కార్ ఒప్పుకుందని వివరించారు. బీఆర్ఎస్ పాలకులది అవగాహన లోపమో, అసమర్థతో అర్థం కావడం లేదని మంత్రి ధ్వజమెత్తారు. కృష్ణా జలాల్లో 70 శాతం హక్కు పొందేందుకు తెలంగాణకు పూర్తి అర్హత ఉందని చెప్పారు. కానీ 512:219 టీఎంసీల కేటాయింపును ఏపీ శాశ్వతం చేస్తోందన్నారు. పదేళ్ల బీఆర్ఎస్ పాలనలో జరిగిన అవినీతి, స్వతంత్ర భారతంలో ఎప్పుడూ జరగలేదని విమర్శించారు. ఈ క్రమంలోనే కేసీఆర్ చాలా గొప్పవారని ఏపీ అసెంబ్లీలో జగన్ పొగిడారని, తెలంగాణ జలాలను సైతం ఏపీకి ఇస్తున్నారని జగన్ చెప్పారని ఉత్తమ్ కుమార్ రెడ్డి స్పష్టం చేశారు.
