Monday, January 17

കുടിയേറ്റക്കാരെ നാടുകടത്തണമെങ്കിൽ ബിജെപിക്ക് വോട്ട് ചെയ്യണമെന്ന് അമിത് ഷാ

കുടിയേറ്റക്കാരെ നാടുകടത്തണമെങ്കിൽ ബിജെപിക്ക് വോട്ട് ചെയ്യണമെന്ന് ബിജെപി ദേശീയ അധ്യക്ഷൻ അമിത് ഷാ. 2019 ല്‍ ബി.ജെ.പി അധികാരത്തിലെത്തിയാല്‍ രാജ്യത്തെ എല്ലാ കുടിയേറ്റക്കാരെയും നാടുകടത്തുമെന്ന് മഹാരാഷ്ട്ര തെരഞ്ഞെടുപ്പിനോടനുബന്ധിച്ച് നടന്ന റാലിയില്‍ അമിത് ഷാ പറഞ്ഞു.

മധ്യപ്രദേശിലെ ജനങ്ങള്‍ക്ക് ഒരു വാഗ്ദാനം നല്‍കാനാണ് ഞാനിവിടെ എത്തിയിരിക്കുന്നത്. 2018 ല്‍ നിയമസഭയിലേക്കും 2019 ല്‍ ലോക്‌സഭയിലേക്കും നിങ്ങള്‍ ബി.ജെ.പിയെതെരഞ്ഞെടുക്കുകയാണങ്കില്‍ ഈ രാജ്യത്തെ എല്ലാ നുഴഞ്ഞുകയറ്റുക്കാരായ കുടിയേറ്റക്കാരെയും ഞങ്ങള്‍ നാടുകടത്തും.

അസമിൽ ഞങ്ങള്‍ 40 ലക്ഷത്തോളം കുടിയേറ്റക്കാരെ കണ്ടെത്തിയപ്പോള്‍ രാഹുല്‍ ഗാന്ധിയും ദിഗ് വിജയ് സിംഗും ചോദിച്ചത് അവര്‍ക്ക് ഭക്ഷണവും വെള്ളവും കൊടുത്തോ എന്നാണ്. കോണ്‍ഗ്രസും, എസ്.പിയും, ബി.എസ്.പിയും വോട്ട് ബാങ്കാണ് ലക്ഷ്യമിടുന്നതെന്നും എന്നാല്‍ ബി.ജെ.പി രാജ്യത്തിന്റെ സുരക്ഷയ്ക്കാണ് പ്രാധാന്യം നല്‍കുന്നതെന്നും അമിത് ഷാ പറഞ്ഞു.

ദേശസ്നേഹവും രാജ്യരക്ഷയും മുൻനിർത്തിയാണ് വരാൻ പോകുന്ന തിരഞ്ഞെടുപ്പിലും ബിജെപി വോട്ട് ചോദിയ്ക്കാൻ പോകുന്നതിനുള്ള ചിത്രങ്ങൾ ഇതിനോടകം വ്യക്തമായി കഴിഞ്ഞു. നോട്ട് നിരോധനവും ജിഎസ്ടിയും അഴിമതിയും രാജ്യത്തെ ചെറുകിട കച്ചവടക്കാരെയും സാധാരണ ജനങ്ങളുടെയും നട്ടെല്ല് ഒടിക്കുമ്പോഴാണ് വീണ്ടും രാജ്യസ്നേഹവും ദേശസുരക്ഷയും ബിജെപി തിരഞ്ഞെടുപ്പ് ആയുധമാക്കാൻ ഒരുങ്ങുന്നത്.

Spread the love
Read Also  'അമിത് ഷായ്ക്കും മോദിക്കുമെതിരെ കേസെടുക്കണം' കർഷകൻ്റെ ആത്മഹത്യാശ്രമം

Leave a Reply