ప్రతిపక్షం, వెబ్‌డెస్క్: హైదరాబాద్‌లోని అనేక బహిరంగ ప్రదేశాల్లో బీజేపీకి వ్యతిరేకంగా బ్యానర్లు వెలిశాయి. వీటిని సామాన్యులు ఆసక్తిగా తిలకిస్తున్నారు. బీజేపీకి వైఫల్యాలపై కాంగ్రెస్ పార్టీ చార్జ్ షీట్ రూపంలో వీటిని విడుదల చేసింది. గాంధీభవన్ రాష్ట్ర కాంగ్రెస్ అగ్ర నేతలు ఈ పోస్టర్లను విడుదల చేశారు. దేశంలో లోక్సభ ఎన్నికలు జరుగుతున్న తరుణంలో.. తెలంగాణలో మళ్లీ ఫ్లెక్సీ వార్ మొదలైంది. బీజేపీని ముఖ్యంగా ప్రధాన మంత్రి నరేంద్రమోదీని టార్గెట్ చేస్తూ.. గాంధీభవన్ ఎదుట అలాగే నగరంలో పలు చోట్ల ‘నయవంచన’ పేరుతో ఫ్లెక్సీలు దర్శనమిచ్చాయి. ‘‘పదేండ్ల మోసం – వందేళ్ల విధ్వంసం’’ అంటూ.. వెలసిన ప్లెక్సీలు, పోస్టర్లను నగర ప్రజలు ఆసక్తిగా చదువుతున్నారు. కేంద్రంలోని బీజేపీ ప్రభుత్వ వైఫల్యాలను ఈ పోస్టర్లలో ఎండగట్టారు.
బీజేపీ నయవంచన పేరుతో ప్రజా ఛార్జ్‌షీట్‌ని గాంధీభవన్లో గురువారం నాడు కాంగ్రెస్ ఆవిష్కరించింది. ‘పదేళ్ల మోసం- వందేళ్ల విధ్వంసం’ అంటూ బీజేపీ కేంద్ర ప్రభుత్వ వైఫల్యాలపై ఛార్జ్‌షీట్ విడుదల చేసిన విషయం తెలిసిందే. పాలమూరు- రంగారెడ్డి ప్రాజెక్టుకు జాతీయ హోదా.. కృష్ణా జలాల్లో వాటా, ఏటా రెండు లక్షల ఉద్యోగాలు, పదేళ్లలో 113కోట్ల అప్పు వంటి అంశాలతో ఛార్జ్‌షీట్ లో పలు విషయాలను ప్రస్తావించింది.
