ప్రతిపక్షం, వెబ్‌డెస్క్: మంత్రి ఉత్తమ్ కుమార్ రెడ్డి వైట్ పేపర్ లాంటి వాడు.. ఆయనపై ఇంక్ చల్లకండని బీజేపీ ఫ్లోర్ లీడర్ ఏలేటి మహేశ్వరెడ్డి కి టీపీసీసీ వర్కింగ్ ప్రెసిడెంట్ జగ్గారెడ్డి హితవు పలికారు. మంత్రి ఉత్తమ్ కుమార్ రెడ్డి మీద బీజేపీ ఫ్లోర్ లీడర్ ఏలేటి మహేశ్వరెడ్డి బట్టకాల్చి మీద వేస్తుండని.. ఉత్తమ్ కుమార్ రెడ్డి మీద ఆయనకు ఎందుకు కోపమొచ్చిందో అర్థం కాలేదు. ఉత్తమ్ వైట్ పేపర్ లాంటి వాడు, ఆయన మీద ఇంక్ జల్లుతున్నారు. కాంగ్రెస్ పార్టీ ప్రజల పక్షపాతి, రైతు పక్షపాతి. కాంగ్రెస్ ప్రభుత్వం ఏర్పడ్డాక వర్షాలు పడి ధాన్యం తడిసింది. తడిసిన ప్రతి గింజ ప్రభుత్వం కొంటుందని ముఖ్యమంత్రి రేవంత్ రెడ్డి, మంత్రులు చెప్పారు. రైతులు, రైస్ మిల్లర్లు ఇబ్బంది పడొద్దని నష్టపోవొద్దని కాంగ్రెస్ ప్రభుత్వం భావిస్తుంది. అధికార పార్టీ మీద ప్రతిపక్ష పార్టీలు బురద జల్లడం సహజమే.. ఐదు ఏండ్లు రేవంత్ రెడ్డే ముఖ్యమంత్రిగా ఉంటాడని స్పష్టంచేశారు. ఆయనను ఎవరు డిస్టర్బ్ చేయరు. ఉత్తమ్ కుమార్ రెడ్డి మీద ఆధారాలు లేని అభియోగాలు చేస్తున్నారు. మహేశ్వరెడ్డి ఇప్పటికైనా ఆరోపణలు ఆపితే మంచిదని పేర్కొన్నారు.
