legal notices to BRS leader Manne Krishank: బీఆర్ఎస్ నేత మన్నె క్రిశాంక్‌కు మెయిన్‌ హర్డ్స్‌ సంస్థ లీగల్‌ నోటీసులు పంపింది. మూసీ ప్రాజెక్టు కన్సల్టెన్సీ విషయంలో నిరాధార ఆరోపణలు చేశారంటూ ఈ నిర్ణయం తీసుకుంది. క్రిశాంక్ దురుద్దేశంతో తమ కంపెనీ ప్రతిష్ఠను దెబ్బతీసేలా ఆరోపణలు చేశారని ఆ నోటీసుల్లో పేర్కొంది. తమపై చేసిన ఆరోపణలను ఆయన 24 గంటల్లో వెనక్కి తీసుకొని క్షమాపణలు చెప్పాలని డిమాండ్ చేసింది. అలాగే ఎక్స్‌లో పెట్టిన పోస్టులను తొలగించాలని డిమాండ్ చేసింది. లేనిపక్షంలో సివిల్‌, క్రిమినల్‌ పరంగా న్యాయపరమైన చర్యలకు వెళ్తామని హెచ్చరించింది.
