ప్రతిపక్షం, ఆగస్టు 08: ఇటీవల ఫిఫా ప్రపంచకప్ సందర్భంగా అర్జెంటీనా స్టార్ ఫుట్బాలర్ లియోనల్ మెస్సీని లక్ష్యంగా చేసుకుని ఉగ్రదాడికి కుట్ర జరిగినట్లు సమాచారం. తాజాగా వెలుగులోకి వచ్చిన ఓ పోలీసు నివేదికలో ఈ వ్యవహారానికి సంబంధించిన సంచలన వివరాలు ఉన్నట్లు తెలుస్తోంది.
మెస్సీతో పాటు అర్జెంటీనా జట్టుకు కూడా బాంబు బెదిరింపులు వచ్చినట్లు నివేదికలో పేర్కొన్నట్లు సమాచారం. మెస్సీని లక్ష్యంగా చేసుకుని ఓ వ్యక్తి ఆత్మాహుతి దాడికి ప్రయత్నించినట్లు అందులో వెల్లడైనట్లు తెలుస్తోంది.
తన శరీరానికి పేలుడు పదార్థాలు అమర్చుకుని అట్లాంటా స్టేడియానికి వెళ్లి మెస్సీని హతమార్చేందుకు ప్రయత్నించినట్లు ఆ వ్యక్తి గురించి పోలీసు నివేదికలో ప్రస్తావించినట్లు సమాచారం. ఈ వివరాలు బయటకు రావడంతో క్రీడా ప్రపంచంలో తీవ్ర కలకలం రేగింది.
