ప్రతిపక్షం, జూలై 18: చైనాలోని ఒర్డోస్లో జరిగిన తొలి ఆసియా అండర్-23 అథ్లెటిక్స్ ఛాంపియన్షిప్-2026లో స్వర్ణ పతకం సాధించిన తెలంగాణ గురుకుల విద్యార్థిని నరిమళ్ల ప్రవల్లికను ముఖ్యమంత్రి రేవంత్రెడ్డి అభినందించారు. మహిళల 4×400 మీటర్ల రిలే విభాగంలో బంగారు పతకం సాధించి దేశానికి, తెలంగాణకు గర్వకారణంగా నిలిచినందుకు ఆమెను ప్రశంసించారు.
మంత్రి అడ్లూరి లక్ష్మణ్కుమార్, ఉన్నతాధికారులతో కలిసి ప్రవల్లిక ముఖ్యమంత్రిని మర్యాదపూర్వకంగా కలిశారు. ఈ సందర్భంగా అంతర్జాతీయ స్థాయిలో ప్రతిభ కనబరిచిన ఆమెను సీఎం అభినందించి, భవిష్యత్తులో మరిన్ని విజయాలు సాధించాలని ఆకాంక్షించారు. తెలంగాణ గురుకుల విద్యాసంస్థల విద్యార్థులు క్రీడలు, విద్యా రంగాల్లో సాధిస్తున్న విజయాలు రాష్ట్రానికి గర్వకారణమని పేర్కొన్నారు.
