హైదరాబాద్, ప్రతిపక్షం స్టేట్బ్యూరో: తెలంగాణ ముఖ్యమంత్రి రేవంత్ రెడ్డి ముఖ్యమంత్రిగా బాధ్యతాయుతతంగా మాట్లాడాలని, కానీ విర్రవీగే మాటలు మాట్లాడుతున్నారని, త్వరలోనే ఈ మాటలు మానుకోవాలని మాజీ మంత్రి కొప్పుల ఈశ్వర్ కోరారు. గత సీఎం కేసీఆర్ తప్పు చేసినట్లు చెప్పడం మూర్ఖత్వమన్నారు. ఎంక్వైరీల పేరుతో గత పథకాలు ఎగ్గొడుతున్నారన్నారు. దళిత బంధు, గొర్రెల పంపిణీ ఆపేశారని మండిపడ్డారు. ఇస్తరో ఇవ్వరో ఆ వర్గాలకు సమాధానం చెప్పాలన్నారు. ఆరు గ్యారంటీలు అమలు చేయకుండా సీఎం చిల్లరగా మాట్లాడుతున్నారని ఆగ్రహం వ్యక్తం చేశారు. రేవంత్ రెడ్డి భాషపై క్రిమినల్ కేసుపెట్టి జైల్‌కు పంపాలని కొప్పుల ఈశ్వర్ డిమాండ్ చేశారు. రేవంత్రెడ్డి పొగరుబోతు మాటలు మానుకోవాలని, లేకుంటే ప్రజలే ఆయన నాలుకను కోసేస్తారనిహెచ్చరించారు.
