ప్రతిపక్షం, వెబ్‌డెస్క్: కాకినాడ జిల్లా సంపర మాజీ ఎమ్మెల్యే అనిశెట్టి బుల్లబ్బాయి రెడ్డి కన్నుమూశారు. కొద్ది రోజులుగా అనారోగ్యంతో బాధపడుతున్న ఆయన స్వగ్రామం పిఠాపురం నియోజకవర్గం నాగులపల్లిలో తుదిశ్వాస విడిచారు. బుల్లబ్బాయి రెడ్డి రెండు సార్లు కాంగ్రెస్ ఎమ్మెల్యేగా గెలిచారు.
కొత్తపల్లి మండలం నాగులపల్లిలో జన్మించిన అనిశెట్టి బుల్లబ్బాయి రెడ్డి.. తొలుత వ్యాపార రంగం, అక్కడి నుంచి రాజకీయాల్లోకి అడుగుపెట్టారు. విద్యాసంస్థల ద్వారా కూడా ఆయన గుర్తింపు పొందారు. ఎమ్మెల్యేగానే కాకుండా ఏపీఎస్సార్టీసీకి రీజనల్‌ అడ్వైజరీ కౌన్సిల్‌ చైర్మన్‌గానూ అనిశెట్టి పని చేశారు. ఆయనకు భార్య రత్నం, ఒక కొడుకు ఉన్నారు.
